05.09.2026 | 18:31
«Հեծանվային մեծ սպորտը գալիս է Հայաստան». ներկայացվել է «Tour of Armenia»-ի խորհրդանիշը
ԱՄՆ-ում շուրջ 50 աշխատակից ստի դետեկտորով ստուգվել է գաղտնի տեղեկությունների արտահոսքի պատճառով
Քաղաքականություն
05.09.2026 | 17:59
ԱՄՆ իշխանությունները մոտ 50 զինվորական և քաղաքացիական աշխատակիցների ստի դետեկտորով ստուգել են՝ կապված ԶԼՄ-ներում գաղտնի տեղեկությունների արտահոսքի հետ, հայտնում է The New York Times-ը։
Քննիչները Միացյալ շտաբների պետերի կոմիտեի զինվորական և քաղաքացիական աշխատակիցներին հարցրել են՝ արդյոք նրանք մամուլին փոխանցել են գաղտնի տեղեկություններ, այդ թվում՝ ԱՄՆ-ի զինամթերքի պաշարների կրճատման վերաբերյալ։
Ստուգումներն անցկացվել են օգոստոսին՝ մի շարք հրապարակումներից հետո, որոնցում հաղորդվում էր, որ ԱՄՆ-ի պատերազմը Իրանի դեմ հանգեցրել է կարևոր զինամթերքի, այդ թվում՝ «Patriot» հակաօդային պաշտպանության համակարգերի հրթիռների պակասի։
Պարբերականի զրուցակիցների կարծիքով՝ ստուգումների նպատակը միայն գաղտնի տեղեկությունների արտահոսքի համար պատասխանատուներին հայտնաբերելը չէր․ դրանք կարող էին նաև վախեցնելու նպատակ ունենալ և կանխել մյուս աշխատակիցների կողմից նման տեղեկությունների փոխանցումը։
Պենտագոնը հայտարարել է, որ ներքին հետաքննությունները չի մեկնաբանում, սակայն «ծայրահեղ լրջությամբ է վերաբերվում գաղտնի տեղեկատվության բոլոր արտահոսքերին»։
The New York Times-ը նշում է, որ ստուգումների մասշտաբն աննախադեպ է․ ԱՄՆ-ի ժամանակակից պատմության ընթացքում բարձրագույն զինվորականների շրջանում նման զանգվածային ստուգումներ ստի դետեկտորով չեն իրականացվել։
ԱՄՆ ԶՈւ Միացյալ շտաբների պետերի կոմիտեում աշխատում է շուրջ 1500-2000 սպա և պաշտոնյա։ Կոմիտեն համակարգում է ԶՈւ հրամանատարությունների հետ ռազմական գործողությունների, ռազմական քաղաքականության և մարտական գործողությունների պլանավորման հարցերը։
