20.10.2026 | 18:01
Իրանի ԱԳՆ-ն արձագանքել է Ադրբեջանի դպրոցներում հիջաբի արգելքի խնդրին
Ռուսական զորքերը հարվածել են Կիևում Անվտանգության ծառայության շենքին․ Զելենսկին հանձնարարել է հայելային պատասխան տալ․ՏԵՍԱՆՅՈՒԹ
Քաղաքականություն
04.09.2026 | 17:47
ՌԴ ուժերն այսօր՝ սեպտեմբերի 4-ին, հարվածել են Կիևում Ուկրաինայի անվտանգության ծառայության շենքին։Անօդաչու սարքն ուղիղ շարժվել է գերատեսչության ղեկավար Ալեքսանդր Պոկլադի աշխատասենյակի ուղղությամբ։
Այս մասին հայտնում է ՌԲԿ Ուկրաինան հղում անելով Ուկրաինայի նախագահ Վլադիմիր Զելենսկիի հայտարարությանը։
«Խոսել եմ ՈՒԱԾ ղեկավար Ալեքսանդր Պոկլադի հետ։ Ցավոք, ռուսական անօդաչու սարքը հարվածել է Կիևի Վլադիմիրսկայա փողոցում գտնվող կենտրոնական շենքին՝ Սուրբ Սոֆիայի տաճարի դիմաց», -նշել է նա։
Զելենսկին հայտնել է, որ դեպքի վայրում են բոլոր արտակարգ ծառայությունները, իսկ տուժածներին կցուցաբերվի անհրաժեշտ օգնություն։
«Պոկլադին հանձնարարել եմ, երբ ամեն ինչ պատրաստ լինի, ռուսներին այդ հարվածին համարժեք, շոշափելի և հնարավորության դեպքում հայելային պատասխան տալ», – ընդգծել է Զելենսկին։
Ռուսական կողմը դեռևս չի մեկնաբանել հարձակումը։
Թարգմանությունը՝ Էմմա Չոբանյանի
