04.09.2026 | 16:20
Գագիկ Ծառուկյանը կմնա՞ կալանքի տակ․ դատարանը հրապարակում է որոշումը․ ՈՒՂԻՂ
ՌԴ-ի դեմ պատժամիջոցների օրինագիծը կանգ է առել ԱՄՆ Ներկայացուցիչների պալատում․ Bloomberg
Քաղաքականություն
04.09.2026 | 15:33
ԱՄՆ Սենատի կողմից ընդունվելուց հետո Ռուսաստանի դեմ պատժամիջոցների մասին օրինագիծը Ներկայացուցիչների պալատում բախվել է աճող դիմադրության և, հավանաբար, կհետաձգվի առնվազն մինչև նոյեմբերի միջանկյալ ընտրությունները: Այս մասին հաղորդում է Bloomberg-ը, որին վկայակոչում է BBC-ի ռուսական ծառայությունը։ Պատճառը մտավախություններն են, որ օրենսդրությունը կընդլայնի Դոնալդ Թրամփի լիազորությունները մաքսատուրքեր սահմանելու հարցում, ինչը կհանգեցնի նավթի գների բարձրացմանը։
Հանգուցյալ սենատոր Լինդսի Գրեհեմի հեղինակած օրինագիծը թույլ կտա Թրամփին 100% մաքսատուրքեր սահմանել ռուսական նավթի և գազի խոշորագույն գնորդների, ինչպես նաև այն երկրների համար, որոնք կօգնեն Մոսկվային շրջանցել էներգետիկ պատժամիջոցները։
Bloomberg-ը նշում է, որ Սենատի կողմից այս օրինագծի օգտին քվեարկությունը արտացոլում է Գրեհեմի գործընկերների ցանկությունը՝ հարգելու նրա հիշատակը հուլիսին նրա հանկարծակի մահից հետո։ Ներկայացուցիչների պալատը ավելի սառն է վերաբերվում օրինագծին։
Մասնավորապես, Bloomberg-ը հաղորդում է, որ դեմոկրատները վախենում են, որ Թրամփը կօգտագործի այս օրինագիծը որպես նոր իրավական արդարացում լայնածավալ մաքսատուրքեր սահմանելու համար, որոնք արդեն վիճարկվում են դատարանում։ Գործակալությունը նշում է, որ օրինագիծը նաև մտահոգություններ է առաջացնում Ներկայացուցիչների պալատի որոշ հանրապետականների շրջանում։
Թարգմանությունը ՝ Էմմա Չոբանյանի
