04.09.2026 | 12:21
Վերոնիկա Զոնաբենդը հանդիպել է Կառավարության անդամների հետ. Սիրանուշ Սահակյան․ ՏԵՍԱՆՅՈՒԹ
Զելենսկին հայտնել է, որ Թրամփի ներկայացուցիչները առաջիկայում կայցելեն Կիև և Մոսկվա
Քաղաքականություն
04.09.2026 | 11:45
ԱՄՆ նախագահ Դոնալդ Թրամփի ներկայացուցիչները առաջիկայում կայցելեն Կիև և Մոսկվա։ Այս մասին երեկոյան ուղերձում հայտնել է Ուկրաինայի նախագահ Վլադիմիր Զելենսկին, փոխանցում է Meduza-ն։
«Ակնկալում ենք տեսնել Ամերիկայի նախագահի ներկայացուցիչներին այստեղ՝ Կիևում։ Նրանցից հաստատում ունենք․ հանդիպումներ կլինեն ինչպես Մոսկվայում, այնպես էլ Կիևում։ Մենք ակնկալում ենք, որ հանդիպումը տեղի կունենա առաջիկա օրերին։ Սա շատ կարևոր է։ Կարևոր է, որպեսզի Ամերիկան շարունակի ակտիվորեն ներգրավված լինել»,- հայտարարել է Զելենսկին։
Այլ մանրամասներ նա չի ներկայացրել։
Ռուսաստանի նախագահի մամուլի քարտուղար Դմիտրի Պեսկովը օգոստոսի վերջին հայտարարել էր, որ ամերիկացի բանակցողները՝ ԱՄՆ նախագահի հատուկ ներկայացուցիչ Սթիվ Ուիթքոֆը և ամերիկյան առաջնորդի փեսան՝ Ջարեդ Քուշները, Վլադիմիր Պուտինի համար «ցանկալի հյուրեր են Մոսկվայում» և «ցանկալի զրուցակիցներ»։ Նրա խոսքով՝ առայժմ հստակ տեղեկություն չկա, և նման այցի համար կոնկրետ օրեր չեն ամրագրվել։
Ավելի վաղ ԱՄՆ պետքարտուղար Մարկո Ռուբիոն հայտարարել էր, որ ԱՄՆ-ն առաջիկայում կփորձի նպաստել Ռուսաստանի և Ուկրաինայի միջև խաղաղության շուրջ ուղիղ բանակցությունների վերսկսմանը։
Թարգմանությունը՝ Էմմա Չոբանյանի
