22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Մուսուլմանները տեսախցիկների պատճառով հրաժարվել են Տաճարի լեռ վերադառնալ
Քաղաքականություն
26.07.2017 | 20:18
Գերագույն իսլամական հանձնաժողովի ղեկավար և Երուսաղեմի նախկին մուֆթի Իքրեմա Սաբրին մուսուլմաններին կոչ է արել չբարձրանալ Տաճարի լեռ այնքան ժամանակ, քանի դեռ Իսրայելի իշխանությունները կրոնական կառույցի մուտքից չեն հեռացրել հսկիչ տեսախցիկները. հաղորդում է Interfax-ը:
Սաբրին հայտարարել է, որ Տաճարի լեռան մուտքի մետաղորսիչների ապամոնտաժումը բավական չէ և պահանջել է հեռացնել տեսախցիկները: Սրա հետ մեկտեղ, նշել է, որ մուսուլմանները Տաճարի լեռան մոտակայքում կշարունակեն զանգվածային աղոթքներ կազմակերպել և Երուսաղեմում ցույցեր անցկացնել այնքան ժամանակ, մինչև Իսրայելը չբավարարի այդ պահանջը:
Ինչպես ավելի վաղ տեղեկացրել էր Factor.am-ը արաբները զանգվածային աղոթքներ էին կազմակերպել հենց Երուսաղեմի փողոցներում՝ հրաժարվելով Ալ-Աքսա մզկիթ բարձրանալ մետաղական դետեկտորների միջով: Քաղաքի որոշ հատվածներում բախումներ էին սկսվել Իսրայելի ոստիկանության հետ: Բախումների ընթացքում առնվազն 5 պաղեստինցի և իսրայելական անվտանգության ուժերի 3 աշխատակից էր սպանվել:
