27.09.2026 | 08:00
ՏԻՄ ընտրությունները մեկնարկեցին հանրապետության չորս համայնքներում
Ալկարասը կարիերայի լավագույն շարքն է անցկացնում «Մեծ սաղավարտի» մրցաշարերում. ՏԵՍԱՆՅՈՒԹ
03.09.2026 | 10:12
Աշխարհի երրորդ ռակետ Կառլոս Ալկարասը Նյու Յորքում շարունակվող թենիսի ԱՄՆ-ի բաց առաջնության երկրորդ շրջանում 4:6, 6:0, 6:3, 6:2 հաշվով հաղթել է պորտուգալացի Ժայմե Ֆարիային ու դուրս եկել հաջորդ փուլ:
Իսպանացի թենիսիստը կարիերայի լավագույն շարքն է անցկացնում «Մեծ սաղավարտի» մրցաշարերում՝ տանելով 16-րդ անընդմեջ հաղթանակը: Ալկարասն այդ շարքը սկսել է 2025 թվականի US Open-ի եզրափակիչում հաղթանակից:
Opta Ace-ի համաձայն՝ իսպանացի Ռաֆայել Նադալից հետո Կառլոս Ալկարասն ամենաերիտասարդ թենիսիստն է, որը 16-րդ անընդմեջ հաղթանակ է տանում «Մեծ սաղավարտի» մրցաշարերում: Մրցաշարի մեկնարկից առաջ նա 23 տարեկան 117 օրական էր:
Ռաֆայել Նադալը 2008 թվականին 16-րդ անընդմեջ հաղթանակ տարել էր 22 տարեկան 83 օրականում:
US Open-ի երրորդ շրջանում Ալկարասը կմրցի աշխարհի 113-րդ ռակետ, չինացի Ու Իբինի հետ։ Մրցաշարի մրցանակային հիմնադրամը 108 միլիոն դոլար է։
Դավիթ Եղիազարյան
