20.10.2026 | 21:49
Հոկտեմբերի 31-ից կգործարկվի կենսաչափական փաստաթղթերի ստացման նախագրանցման նոր համակարգը
ՀՀ նախագահը պաշտոնական այցով կմեկնի Չեխիա
Քաղաքականություն
01.09.2026 | 23:48
ՀՀ նախագահ Վահագն Խաչատուրյանը սեպտեմբերի 2-4-ը պաշտոնական այցով կմեկնի Չեխիայի Հանրապետություն՝ Չեխիայի նախագահ Պետր Պավելի հրավերով։
Ինչպես հայտնում է ՀՀ-ում Չեխիայի դեսպանությունը, այցի շրջանակում հիմնական բանակցությունները կանցկացվեն սեպտեմբերի 3-ին՝ Պրահայի ամրոցում։ Նախատեսված են նաև ՀՀ նախագահի հանդիպումները Չեխիայի այլ բարձրաստիճան պաշտոնյաների հետ։
Դեսպանությունը նշում է, որ սա Հայաստանի նախագահի առաջին այցն է Չեխիա ավելի քան 12 տարվա ընթացքում։
«Այս այցը երկու երկրների միջև խորացող և զարգացող գործընկերության կարևոր ազդանշան է»,- նշվում է հաղորդագրությունում։
Այցի ընթացքում կողմերը, ակնկալվում է, կքննարկեն Հայաստանի և Չեխիայի երկկողմ հարաբերությունների զարգացմանն ու համագործակցության ընդլայնմանն առնչվող հարցեր։
