01.09.2026 | 18:43
ԱՄՆ ցամաքային զորքերի նախարարը հրաժարական է տվել Հեգսեթի հետ կոնֆլիկտի պատճառով
«Նապոլիի» ֆուտբոլիստը սրտի վիրահատության կենթարկվի
01.09.2026 | 18:15
Իտալական «Նապոլիի» կիսապաշտպան Սքոթ Մաքթոմինեյը վիրահատության կենթարկվի սրտի հետ կապված խնդիրների պատճառով, հաղորդում է ակումբի մամուլի ծառայությունը։
29-ամյա շոտլանդացի ֆուտբոլիստի մոտ ախտորոշվել է թեթև առիթմիա: Մաքթոմինեյն առաջիկա օրերին կենթարկվի ռադիոհաճախային աբլացիայի վիրահատության: Դա նվազագույն ինվազիվ միջամտություն է, որը թիրախավորում է հյուսվածքի որոշակի հատվածներ՝ սրտի աննորմալ ռիթմը շտկելու համար։
Սպասվում է, որ շոտլանդացին խաղադաշտ կվերադառնա հավաքականների խաղերով պայմանավորված ակումբային դադարից հետո, որն ավարտվում է հոկտեմբերի 6-ին։
Սքոթ Մաքթոմինեյը 2026/27 մրցաշրջանում մասնակցել է Իտալիայի առաջնության երկու հանդիպման: Նրա պայմանագիրը «Նապոլիի» հետ ուժի մեջ է մինչև 2028 թվականի հունիսի 30-ը։
Դավիթ Եղիազարյան
