26.09.2026 | 20:38
Քաղաքացին ընկել է ջրհորը. նա հոսպիտալացվել է
Եղիշե Մելիքյան. «Մխիթարյանի օրինակը դաստիարակում է ֆուտբոլիստներին»
01.09.2026 | 16:19
Ֆուտբոլի Հայաստանի հավաքականի գլխավոր մարզիչ Եղիշե Մելիքյանը գովեստի խոսքեր է ասել ազգային թիմի նախկին ավագ, իտալական «Ինտերի» 37-ամյա կիսապաշտպան Հենրիխ Մխիթարյանի մասին։
«Հենրիխ Մխիթարյանն օրինակ է մեր ֆուտբոլիստների և բոլորիս համար: Այն, թե ինչպիսի մարդ և ֆուտբոլիստ նա, հպարտություն է առաջացնում։ Շատերը զարմանում են, որ Հենրիխը մինչև հիմա խաղում է այսպիսի բարձր մակարդակում, իսկ ես՝ ոչ:
Նրան ճանաչում եմ 14-15 տարեկանից, ամեն ինչ տեսել եմ։ Նա այնպիսի կենսակերպ է վարում, այնպես է վերաբերվում ֆուտբոլին, որ նրա լավ մարզավիճակը նույնիսկ 37 տարեկանում անակնկալ չէ։
Ես՝ որպես մարզիչ, Մխիթարյանի մասին շատ եմ պատմել իմ խաղացողներին։ Նրա օրինակը դաստիարակում է ֆուտբոլիստներին»,- Եղիշե Մելիքյանի խոսքը մեջբերում է Championat.com-ը։
Հիշեցնենք, որ Հենրիխ Մխիթարյանը Հայաստանի հավաքականի պատմության լավագույն ռմբարկուն է 32 գոլով (95 խաղում): Նա ազգային թիմում ելույթներն ավարտել է 2021 թվականին:
Դավիթ Եղիազարյան
