21.10.2026 | 10:47
ՊԵԿ-ը պարզաբանել է՝ ինչպես է բացահայտվել ծխախոտի ապօրինի արտահանման դեպքը
Երբ ասում եք՝ Տիգրանաշենը անկլավ ա, դուք Վազգեն Սարգսյանին նորից եք թաղում․ Գեղամ Մանուկյան․ ՏԵՍԱՆՅՈՒԹ
Քաղաքականություն
27.08.2026 | 17:19
Ազգային ժողովի նիստում «Հայաստան» խմբակցության պատգամավոր Գեղամ Մանուկյանը, արձագանքելով իշխանական պատգամավորների հայտարարություններին Հոկտեմբերի 27-ի, Վազգեն Սարգսյանի և տարածքային հնարավոր զիջումների վերաբերյալ, քննադատեց ՔՊ-ականների կողմից Սպարապետի անունը պարբերաբար շահարկելու գործելաոճը՝ հիշեցնելով, որ իշխանությունն այսօր կասկածի տակ է դնում այն հողերը, որոնց ազատագրման համար պայքարել է Վազգեն Սարգսյանը։
«Ժողովո՛ւրդ, Վազգեն Սարգսյանի անունը չտաք, մեղք է։ Երբ որ ասում եք՝ Տիգրանաշենը անկլավ է, դուք Վազգեն Սարգսյանին նորից եք թաղում։ 1998 թ. հունվարի «Զինուժի» նրա հայտնի ասուլիսը լսեք, որ հասկանաք՝ ինչպիսի սերտ համագործակցություն է եղել Ռոբերտ Քոչարյանի և Վազգեն Սարգսյանի միջև»,- ընդգծեց Մանուկյանը։
Արձագանքելով Սասուն Միքայելյանի այն պնդմանը, թե 1999-ի ահաբեկչությունից հետո «միակ ցարի բոգը Քոչարյանն էր», Գեղամ Մանուկյանն ասաց․ «Արամ Զավենի Սարգսյանը Երկրապահի հրամանատարների՝ Մանվել Գրիգորյանի և Սեյրան Սարոյանի հետ ամեն օր կորտեժներով էր շրջում Կառավարությունում։
Այն ժամանակ նախաքննության լիակատար պատասխանատուներն էին վարչապետ Արամ Սարգսյանն ու զինդատախազ Գագիկ Ջհանգիրյանը, ովքեր ինչ ուզեցել, արել են գործի շրջանակներում»։
Մանրամասները՝ տեսանյութում։
Անի Թամրազյան
