27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Դուք, ի վերջո, կամանդի՞րն եք, թե՞ ՔՊ-ի Սասուն Միքայելյանը․ Ագնեսա Խամոյան. ՏԵՍԱՆՅՈՒԹ
Քաղաքականություն
27.08.2026 | 17:07
«Հայաստան» խմբակցության պատգամավոր Ագնեսա Խամոյանը կարծիք հայտնեց, որ խորհրդարանական նիստերի ընթացքում ակնկալում էր Սասուն Միքայելյանից լսել գնահատականներ Նիկոլ Փաշինյանի այն հայտարարությունների վերաբերյալ, որոնցով Արցախյան ազատամարտն ու շարժումը որակվել էին «բեռ և թակարդ»։
«Ես սպասում էի, որ նա կգա ու այս ամբիոնից կպատմի, թե ինչ է զգացել, երբ իր քաղաքական առաջնորդը հայտարարել է, թե Ղարաբաղյան շարժումը բեռ է, թակարդ է, թոկ է։ Ես ուզում էի լսել պատերազմի մասնակցին, Երկրապահի նախագահին, հրամանատարի՛ն։ Բայց նրա ելույթը կրկին Հոկտեմբերի 27-ի շահարկման մասին էր։ Ինքը, ի վերջո, կամանդի՞րն է, թե՞ ՔՊ-ի Սասուն Միքայելյանը»,- ասաց Խամոյանը։
Ամբիոնից ցուցադրելով 1999 թ. հոկտեմբերի 27-ի դեպքերին առնչվող փաստաթուղթ՝ ընդդիմադիր պատգամավորը դիմեց Անդրանիկ Քոչարյանին․ «Վազգեն Սարգսյանը Ձեր ընկերն էր, չէ՞․ ամբողջ կյանքում նրա անունը վերածեցիք քաղաքական կապիտալի։ Բայց երբ ձեր ընկերոջ մարմինը դեռ չէր սառել այս դահլիճում, դուք նրա մարմնի վրա առևտուր էիք անում, պաշտոններ էիք մեջ-մեջ արել ու իշխանություն էիք ուզում վերցնել։ Ինչո՞ւ Դուք այս ցուցակով երբևէ չեք հարցաքննվել այս 8 տարիների ընթացքում»։
Մանրամասները՝ տեսանյութում։
Անի Թամրազյան
