26.08.2026 | 21:43
Վարչապետը նոր նշանակում է արել
Թրամփը մեկնաբանել է ԿՀՎ ղեկավարի Մոսկվա կատարած այցը
Քաղաքականություն
26.08.2026 | 20:55
ԱՄՆ նախագահ Դոնալդ Թրամփը մեկնաբանել է ԿՀՎ տնօրեն Ջոն Ռեթքլիֆի այցը Մոսկվա։
«Նա այնտեղ է ինչ-որ կիսաաշխատանքային պատճառով: Ես չեմ ուզում որևէ մեկին հիասթափեցնել: Մենք կցանկանայինք, որ Ուկրաինայում պատերազմն ավարտվեր»,- ասել է Թրամփը ռադիոհաղորդավար Գլեն Բեքին տված հարցազրույցում:
Նա հերքել է հաղորդագրությունները, թե Ռեթքլիֆին Ռուսաստան են ուղարկել այն պատճառով, որ Պուտինը պատրաստվում է «ստուգել ՆԱՏՕ-ի վճռականությունը»։
Միաժամանակ, ԱՄՆ նախագահը նշել է, որ ԿՀՎ տնօրենի՝ Ռուսաստան կատարած այցից «կարող է ինչ-որ բան ստացվել»։
«Մենք բոլոր ջանքերը գործադրում ենք այս պատերազմին վերջ տալու համար և, անկեղծ ասած, նրանք երկուսն էլ (Ռուսաստանի նախագահ Վլադիմիր Պուտինը և Ուկրաինայի նախագահ Վլադիմիր Զելենսկին), ցանկանում են, որ այն ավարտվի»,- ասել է Թրամփը։
ԿՀՎ տնօրեն Ջոն Ռեթքլիֆը Մոսկվա էր այցելել օգոստոսի 25-ին։
Թարգմանությունը՝ Էմմա Չոբանյանի
