16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Թրամփը հայտարարել է, թե չի կարծում, որ Իրանի գերագույն առաջնորդը մահացել է
Քաղաքականություն
26.08.2026 | 22:04
ԱՄՆ նախագահ Դոնալդ Թրամփը հայտարարել է, թե չի կարծում, որ Իրանի նոր գերագույն հոգևոր առաջնորդ Մոջթաբա Խամենեին մահացել է՝ նրա գտնվելու վայրի և առողջական վիճակի վերաբերյալ ենթադրությունների ֆոնին, գրում է CNN-ը։
«Ես չեմ կարծում, որ նա մահացել է։ Նա շատ լուրջ վիրավորվել էր։ Նրա մարմնի ձախ կողմը՝ ձեռքը, ոտքը, ամբողջությամբ։ Նա շատ լուրջ վիրավորվել էր։ Բայց ես չեմ կարծում, որ նա մահացել է»,- Թրամփը հայտարարել է ռադիոհաղորդավար Գլեն Բեքի հետ ուղիղ հեռախոսային հարցազրույցի ժամանակ։
Նա հավելել է, որ Իրանի պաշտոնյաները շարունակում են խորհրդակցել նրա հետ և կարևոր հարցերի վերաբերյալ ստանալ նրա «վերջնական օրհնությունը»։
Պատերազմում հաղթելու հեռանկարների մասին հարցին Թրամփը պատասխանել է. «Մեր ֆինանսական հզորությունն անհավանական է, և այդ ամենը տանում է դեպի շատ մեծ հաղթանակ»։
Այս շաբաթվա սկզբին ԱՄՆ Ֆինանսների նախարարությունը հայտարարել էր Իրանի նկատմամբ պատժամիջոցների խստացման արշավի մասին՝ սպառնալով տնտեսական հետևանքներով այն երկրներին, որոնք կհրաժարվեն խզել կապերը Թեհրանի հետ։
Թարգմանությունը՝ Էմմա Չոբանյանի
