16.09.2026 | 10:00
Ազգային ժողովի նիստը՝ ՈՒՂԻՂ
Ադրբեջանի ևս մեկ բուհում կսկսեն հայերեն դասավանդել
Քաղաքականություն
26.08.2026 | 16:08
Բաքվի սլավոնական համալսարանում նախատեսվում է հայոց լեզվի ուսուցման դասընթաց ներդնել։ Համապատասխան որոշումն ընդունվել է բարձրագույն ուսումնական հաստատության գիտական խորհրդի կողմից, հայտնել է Բաքվի սլավոնական համալսարանի մամուլի քարտուղար Սաբինա Հուսեյնզադեն, գրում են ադրբեջանական լրատվամիջոցները։
Գիտական խորհրդի որոշման համաձայն՝ առաջիկա տարիներին համալսարանում նախատեսվում է ուսումնասիրել հայոց լեզուն, ասել է նա։
Բուհի ռեկտոր Անար Նագիևն անցյալ տարի հայտարարել էր, որ համալսարանը նախատեսում է սկսել հայերենի դասավանդումը 2026-2027 ուսումնական տարվանից։ Այսպիսով, Բաքվի սլավոնական համալսարանը մտադիր է ընդլայնել իր կողմից առաջարկվող լեզվական դասընթացների շրջանակը: Սակայն համալսարանի հայտարարության մեջ հայոց լեզվի դասընթացների մեկնարկի հստակ ժամկետ չի նշվել:
Հավելենք, որ ներկայում հայերեն է դասավանդվում Բաքվի պետական համալսարանում և Ադրբեջանի լեզուների համալսարանում։
Թարգմանությունը՝ Էմմա Չոբանյանի
