27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
Իդրամի և IDBank-ի աջակցությամբ կայացավ «ՎՄՀ Վանաձորի կիսամարաթոն 2026»-ը
25.08.2026 | 18:19
Վճարովի բովանդակություն
Երկրորդ տարին անընդմեջ Վանաձորի կենտրոնական հրապարակը վերածվել էր սպորտային մեծ հարթակի․ «ՎՄՀ Վանաձորի կիսամարաթոն 2026»-ը համախմբել էր ավելի քան 600 վազորդի՝ Հայաստանի տարբեր մարզերից և արտերկրից։
Այս տարի կիսամարաթոնի գլխավոր հովանավորներն են Իդրամն ու IDBank-ը, որոնք «Մի դրամի ուժը» նախաձեռնության շրջանակում աջակցում են միջոցառման իրականացմանը։ Կիսամարաթոնից ստացված միջոցներն ուղղվելու են «Վահե Մելիքսեթյան» հիմնադրամին՝ Հայաստանում կլինիկական դեղագիտության զարգացմանն աջակցելու համար։
Կիսամարաթոնի մեկնարկն ազդարարվեց փոքրիկ վազորդների պայքարով, ովքեր հաղթահարեցին 1կմ վազքատարածությունը։ Վանաձորում փոքրիկ վազորդներին միացավ նաև Ջունիորը՝ ոգեշնչելու փոքրիկներին և դառնալու նրանց առաջին մեծ հաղթանակների անբաժան մասը։ Մրցույթի ավարտին փոքրիկ հաղթողները Idram Junior-ի կողմից արժանացան հատուկ պարգևների։
Փոքրիկներից հետո հերթը մեծահասակներինն էր․ նրանք իրենց ուժերը փորձեցին 5կմ, 10կմ և 21կմ վազքատարածություններում։ Կիզիչ արևի տակ ընթացած լարված պայքարի արդյունքում լավագույնները Իդրամի և IDBank-ի կողմից արժանացան դրամական պարգևների՝ idcoin-ների տեսքով։
IDBank-ի և Իդրամի Հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանի խոսքով՝ Իդրամի և IDBank-ի սոցիալական պատասխանատվության ուղղություններում շատ կարևոր տեղ ունեն կրթությունը և համայնքներին աջակցությունը։
«Այս մարաթոնին միանալով՝ Իդրամն ու IDBank-ը միավորում են միանգամից երեք ուղղություն՝ խրախուսել առողջ ապրելակերպը, աջակցել համայնքների զարգացմանն ու կրթությանը։ Մարաթոնից ստացված ողջ հասույթը հատկացվելու է կլինիկական դեղագիտության զարգացմանն ու ապագա մասնագետներին կրթաթոշակների տրամադրմանը»,- նշեց Տաթևիկ Վարդևանյանը։
«Վահե Մելիքսեթյան» հիմնադրամի գործադիր տնօրեն Սարգիս Մելիքսեթյանը բարձր գնահատեց ընկերությունների հետ ձևավորված համագործակցությունը։
«Կարծում եմ՝ Իդրամի և IDBank-ի հետ իրականացնում ենք շատ կարևոր գործունեություն, որի ազդեցությունը մեր քաղաքի վրա, վստահ եմ, տեսնելու ենք տարիներ անց»,- ասաց Սարգիս Մելիքսեթյանը։
ԱՅԴԻ ԲԱՆԿ ԵՎ ԻԴՐԱՄ ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
