01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Լեգիտիմ չի՞, վայր դրեք ձեր մանդատները, հրապարակը սպասում ա ձեզ, հեղափոխություն արեք. Փաշինյան․ ՏԵՍԱՆՅՈՒԹ
Քաղաքականություն
25.08.2026 | 16:49
Եթե համարում եք, որ ընտրությունները կամ իշխանությունը լեգիտիմ չեն, վա՛յր դրեք ձեր մանդատները, հրապարակը սպասում է ձեզ, գնացեք և հեղափոխությո՛ւն արեք։ Այս մասին Ազգային ժողովում Կառավարության 2026-2031 թվականների ծրագրի քննարկման եզրափակիչ ելույթում հայտարարեց վարչապետ Նիկոլ Փաշինյանը՝ դիմելով խորհրդարանական ընդդիմությանը։
Փաշինյանի խոսքով՝ լեգիտիմության իրական խնդիր ունի հենց ընդդիմությունը, որը դահլիճում իրեն տեր չի զգում։
«Ինչո՞ւ են այս մարդիկ անընդհատ գնում-գալիս, դուրս գալիս, ներս մտնում․ որովհետև լեգիտիմության խնդիր իրե՛նք ունեն։ Իրենք այս դահլիճում տիրոջ կարգավիճակ չունեն, հասկանում են, որ տնվոր են, գործուղված ինչ-որ մի միսիայի։ Իրադարձություններն արագ են զարգանում, հանձնարարական չի գալիս, չեն կողմնորոշվում, թե ինչ անեն։ Սա է ընտրությունը՝ կամ մանդատները վայր դրեք ու զբաղվեք հեղափոխությամբ, կամ եկեք, նստեք, աշխատեք։ Ամեն բառի վրա նեղանալ-գնալը ուժեղության նշան չէ»,- ասաց Փաշինյանը։
Մանրամասները՝ տեսանյութում։
Անի Թամրազյան
