25.08.2026 | 16:14
Մի նոր խանի ցուցումով ուզում ենք փոխել մեր հռչակագիրը, մեր ծննդականը. Նարեկ Կարապետյան․ ՏԵՍԱՆՅՈՒԹ
Հայրապետը պետք ա լինի բոլորինը, ոչ թե Քոչարյանինը, Կարապետյանինը, Սարգսյանին ու իր ԿԳԲ ագենտ եղբորինը․ Ռուբինյան․ ՏԵՍԱՆՅՈՒԹ
Քաղաքականություն
25.08.2026 | 14:13
Ազգային ժողովի փոխնախագահ Ռուբեն Ռուբինյանը խորհրդարանի ամբիոնից քննադատել է խորհրդարանական ընդդիմությանը՝ անդրադառնալով Գարեգին Բ-ի շուրջ քննարկումներին և նախկին նախագահ Ռոբերտ Քոչարյանի ընտանիքին վերագրվող կոռուպցիոն մեղադրանքներին։
ԱԺ-ում Կառավարության 2026–2031 թվականների ծրագրի քննարկման ժամանակ Ռուբեն Ռուբինյանն արձագանքեց ընդդիմադիր պատգամավորների պահվածքին, որոնք դահլիճը լքում են կաթողիկոսի ավազանի անունը հնչեցնելիս՝ այն որակելով «քաղաքական նեղացկոտություն»։
Անդրադառնալով «Ուժեղ Հայաստան» խմբակցության ղեկավար Նարեկ Կարապետյանի նախկինում արած հայտարարությանը, թե Գրիգոր Լուսավորիչը ևս զավակ է ունեցել՝ Ռուբինյանը նշեց․
«Գրիգոր Լուսավորիչն ապրել է 4-րդ դարում, երբ եկեղեցու կանոններով բարձրաստիճան հոգևորականին թույլատրելի էր զավակ ունենալ, և դա չէր թաքցվում։ Կաթողիկոսները դադարել են ընտանեկան կյանքով ապրել Աշտիշատի ժողովից հետո։ Բայց մի գահ, որը կոչվում է Ամենայն Հայոց Կաթողիկոսի գահ, մի պաշտոն, որը կոչվում է Ամենայն Հայոց Հայրապետ, նշանակում է, որ այս մարդը պետք է լինի բոլոր հայերինը, ոչ թե Քոչարյանինը, Սամվել Կարապետյանինը, Սերժ Սարգսյանինը և իր ԿԳԲ-ի ագենտ եղբորինը։ Եթե նրա անունը հնչելիս դահլիճում անընդհատ դղրդոցներ են լինում, նշանակում է՝ նա Ամենայն Հայոց չէ, նա պառակտիչ է»։
Մանրամասնեերը՝ տեսանյութում։
Անի Թամրազյան
