16.09.2026 | 10:00
Ազգային ժողովի նիստը՝ ՈՒՂԻՂ
Ուկրաինական ԱԹՍ-ները գրոհել են Կրասնոդարի երկրամասը․ 2 մարդ է զոհվել, հրդեհվել է նավթավերամշակման գործարանը
Քաղաքականություն
25.08.2026 | 10:53
Ուկրաինական անօդաչու թռչող սարքերն օգոստոսի լույս 25-ի գիշերը հարձակվել են Կրասնոդարի երկրամասի վրա, հայտնել է տարածաշրջանի ղեկավար Վենիամին Կոնդրատևը։ Նա նշել է, որ հարվածը հասցվել է Սևերսկի շրջանին, գրում է Meduza-ն։
Կոնդրատևը հայտարարել է, որ «անօդաչու թռչող սարքի բեկորներն» ընկել են Աֆիպսկայա երկաթուղային կայարանի տարածքում։ Երկու մարդ զոհվել է, ևս երկուսը՝ վիրավորվել։ Աֆիպսկի բնակավայրում վնասվել է առնվազն 10 մասնավոր տուն, որոնցից մեկում հրդեհ է բռնկվել։
Նահանգապետը հավելել է, որ հրդեհ է բռնկվել նաև նավթավերամշակման գործարանի տարածքում։ Ուկրաինական Supernova+ և Exilenova+ տելեգրամ ալիքները հաղորդում են Աֆիպսկի նավթավերամշակման գործարանում հրդեհի մասին։
Աֆիպսկիի նավթավերամշակման գործարանը բազմիցս ենթարկվել է ուկրաինական անօդաչու թռչող սարքերի հարձակման։ Վերջին անգամ դա տեղի է ունեցել 2026 թվականի հուլիսի կեսերին։
Ռուսաստանի ՊՆ-ն հայտարարել է, որ Բելգորոդի, Բրյանսկի, Վորոնեժի, Կուրսկի, Լիպեցկի և Ռոստովի մարզերում, Կրասնոդարի երկրամասում, բռնակցված Ղրիմում, ինչպես նաև Ազովի ու Սև ծովերի վրա խոցվել է 148 օդային թիրախ։
Թարգմանությունը՝ Էմմա Չոբանյանի
