16.09.2026 | 10:00
Ազգային ժողովի նիստը՝ ՈՒՂԻՂ
Զելենսկին Ալիևի օգնականին պարգևատրել է շքանշանով
Քաղաքականություն
24.08.2026 | 20:44
Ուկրաինայի նախագահ Վլադիմիր Զելենսկին արտասահմանյան քաղաքական, հասարակական և պետական գործիչներին պետական պարգևներ շնորհելու մասին հրամանագիր է ստորագրել։ Նրանց թվում է նաև Ադրբեջանի նախագահի օգնական և նախագահի աշխատակազմի արտաքին քաղաքականության վարչության պետ Հիքմեթ Հաջիևը, գրում են ադրբեջանական լրատվամիջոցները։
Փաստաթղթի համաձայն՝ Հիքմեթ Հաջիևը պարգևատրվել է «Արժանիքների համար» 3-րդ աստիճանի շքանշանով՝ միջպետական համագործակցության ամրապնդման, Ուկրաինայի պետական ինքնիշխանության և տարածքային ամբողջականության աջակցության, բարեգործական գործունեության և Ուկրաինայի միջազգային ճանաչման գործում ունեցած նշանակալի ներդրման համար։
Նշենք, որ Ադրբեջանի նախագահ Իլհամ Ալիևը նամակ է հղել Զելենսկիին՝ Ուկրաինայի անկախության 35-ամյակի կապակցությամբ։ Նամակում Ալիևն ընդգծել է, որ Բաքուն կշարունակի մարդասիրական աջակցություն ցուցաբերել բարեկամ ուկրաինացի ժողովրդին։
Թարգմանությունը՝ Էմմա Չոբանյանի
