02.11.2026 | 18:10
ԵՏՀ-ում ՀՀ-ի բողոքի քննարկումը հետաձգվել է // Գազի գնի հնարավոր թանկացումն աղետ չի լինի՝ ըստ ֆիննախի․ ԼՈՒՐԵՐ
Միջազգային խաղացողները մեր նահատակների մասունքներով իրար գլխի բամփում են, բայց մեր գլուխն է ցավում․ ՏԵՍԱՆՅՈՒԹ
Քաղաքականություն
24.08.2026 | 12:44
Հայոց ցեղասպանության միջազգային ճանաչման հարցը չպետք է լինի Հայաստանի արտաքին քաղաքական օրակարգում, որպեսզի այն չօգտագործվի որպես աշխարհաքաղաքական գործիք այլ պետությունների կողմից։ Այս մասին Ազգային ժողովում ունեցած ելույթում հայտարարեց վարչապետ Նիկոլ Փաշինյանը։
Որպես օրինակ նա մատնանշեց Իսրայելի կառավարության վերջին քայլերը, որտեղ Ցեղասպանության ճանաչման գործընթաց սկսվեց և կարճ ժամանակ անց կասեցվեց։
«Սա էլ էր մի կարևոր իրադարձություն, որ բացեց վարագույրը, և մենք բոլորով ստիպված եղանք տեսնել, թե ինչ է կատարվում դրա ետևում։ Միջազգային խաղացողները, ներողություն այս ձևակերպման համար, մեր նահատակների մասունքներով իրար գլխի բամփում են, բայց մեր գլուխն է ցավում։ Միջազգային խաղացողները մեր նահատակների ոսկորները զենքայնացնում են, դրանով կրակում իրար վրա, բայց մենք ենք զոհվում»,- ընդգծեց վարչապետը։
Վարչապետի պնդմամբ՝ պետության անվտանգության հույսը չպետք է կապել արտաքին ուժերի հետ՝ հիշեցնելով պատմական այն դասը, որ «անգլիական նավերը չէին կարող հայկական լեռները բարձրանալ»։
Մանրամասները՝ տեսանյութում։
Անի Թամրազյան
