13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Կանադան ցանկանում է ԱՄՆ նահանգի արտոնություններ ունենալ․ Թրամփ
Քաղաքականություն
23.08.2026 | 16:50
ԱՄՆ նախագահ Դոնալդ Թրամփը կիրակի՝ օգոստոսի 23-ին, կտրուկ արձագանքել է Կանադայի վարչապետ Մարկ Քարնիի հայտարարած՝ ամերիկյան ապրանքների նկատմամբ 50% մաքսատուրքերին։ Կանադան այդ քայլը կատարել է ի պատասխան Վաշինգտոնի կողմից նախօրեին Օտտավայի նկատմամբ նույն չափի մաքսատուրքեր սահմանելու որոշման։
«Կանադան ցանկանում է ունենալ նահանգի արտոնություններ՝ առանց նահանգ դառնալու։ Ավելին, նրանք տարիներ շարունակ հսկայական մաքսատուրքեր էին սահմանում մեր հրաշալի ֆերմերների նկատմամբ։ Դրան վերջ է տրված»,- գրել է Թրամփը Truth Social սոցիալական ցանցի իր էջում։
Օգոստոսի 22-ի լույս 23-ի գիշերը ԱՄՆ-ը Կանադայից ներմուծվող մի շարք ապրանքների նկատմամբ սահմանել է 50% մաքսատուրք։ Դրանց թվում են գինին, կահույքը, կաթնամթերքը, ցեմենտը, հագուստը, ձկնորսական կարթերը և հոկեյի պարագաները։ Մաքսատուրքերը կազդեն ընդհանուր մոտ 20 միլիարդ դոլար արժողությամբ ապրանքների վրա։ AFP գործակալության գնահատմամբ՝ դա կազմում է Կանադայի՝ հարևան երկիր արտահանման ընդհանուր ծավալի 5,5%-ը։
Օգոստոսի 22-ին Քարնին հայտարարել էր, որ Կանադան ի պատասխան ԱՄՆ-ից ներմուծվող մի շարք ապրանքների նկատմամբ սահմանելու է 50% մաքսատուրքեր։ Ինչպես նշում են լրատվամիջոցները, դրանք կվերաբերեն այնպիսի ոլորտների, ինչպիսիք են կաթնամթերքի արտադրությունը, մետալուրգիան, կենցաղային տեխնիկան, ցելյուլոզաթղթի արդյունաբերությունը, էլեկտրոնիկան և այլ ոլորտներ։
