16.09.2026 | 10:00
Ազգային ժողովի նիստը՝ ՈՒՂԻՂ
Հրապարակվել են ՏԻՄ ընտրություններին մասնակցող ընտրողների ցուցակները
Քաղաքականություն
21.08.2026 | 22:12
Ներքին գործերի նախարարության elections.mia.gov.am հարթակում, ՀՀ ընտրական օրենսգրքով սահմանված կարգի համաձայն, հրապարակվել են 2026 թվականի սեպտեմբերի 27-ին կայանալիք ՏԻՄ ընտրություններին մասնակցող ընտրողների ցուցակները։
Ընտրությունները կանցկացվեն Արմավիրի մարզի Ֆերիկ, Լոռու մարզի Թումանյան և Լերմոնտովո, ինչպես նաև Կոտայքի մարզի Արզնի համայնքներում։
ՆԳՆ-ից հայտնում են, որ ընտրություններին մասնակցող թեկնածուներին անհրաժեշտ տեղեկանքների տրամադրումն ապահովելու նպատակով օգոստոսի 22-ին և 23-ին՝ ժամը 09:00-ից մինչև 17:00-ն, կաշխատեն Միգրացիայի և քաղաքացիության ծառայության Վաղարշապատի, Թումանյանի, Վանաձոր 3 և Եղվարդի բաժինները։
Միաժամանակ քաղաքացիների համար գործում է Զանգերի սպասարկման կենտրոնը՝ 84-22 հեռախոսահամարով, որտեղ հնարավոր է ստանալ առաջիկայում կայանալիք ընտրությունների վերաբերյալ անհրաժեշտ տեղեկատվություն։
ՆԳՆ-ն ընտրելու իրավունք ունեցող քաղաքացիներին հորդորում է նախապես ստուգել իրենց տվյալները և ճշտել ընտրատեղամասը։
Դա հնարավոր է անել՝ elections.mia.gov.am կայք մուտք գործելով և ընտրելով «ՏԻՄ ընտրություններ 2026» բաժինը։
