03.07.2026 | 11:11
«Արտյոմին ու Գոռին չոտկի կտաս, մնացածին՝ 20 պակաս ես տալում, հարցը լուծվում ա»․ ՀԿԿ ձայնագրություն
Ես հույս ունեմ, որ իմ արժանի պատիժը կստանամ. Նիկոլ Փաշինյանն անդրադարձավ Factor.am-ի հրապարակմանը. ՏԵՍԱՆՅՈՒԹ
Հասարակություն
05.12.2018 | 17:32
ՀՀ վարչապետի պաշտոնակատար, «Իմ քայլը» դաշինքի առաջնորդ Նիկոլ Փաշինյանը հույս ունի, որ իր արժանի պատիժը կստանա մետրոյից ուղիղ հեռարձակում անելու համար։ Այս մասին նա հայտարարեց Մերձավանում գործրարանի բացման ժամանակ՝ պատասխանելով հարցին, թե ինչու է առանց թույլտվության մտել Մետրոպոլիտեն՝ քարոզարշավ իրականացնելու և տեսանկարահանել արգելված տարածքը:
«Ես հույս ունեմ, որ իմ արժանի պատիժը կստանամ դրա համար, ինչ հասնում է օրենքով՝ պատրաստ եմ կրել»,- ասաց նա:
Նա ասաց, թե առաջին անգամը չէ, որ ինքը մետրոյից ուղիղ հեռարձակում է իրականացնում: «Բոլոր քարոզարշավներին նույն բանը արել եմ Երևանի մետրոպոլիտենում, եթե ինչ-որ բան այն չի եղել՝ պատրաստ եմ կրել պատիժը՝ օրենքի ողջ խստությամբ»,- ասաց Փաշինյանը։
Այսօր Factor.am-ը գրել էր, որ Նիկոլ Փաշինյանն առանց թույլտվության տեսանկարահանել է մետրոպոլիտենի տարածքը, իսկ կառույցից մեր հարցին ի պատասխան չէին ասել՝ արդյո՞ք Նիկոլ Փաշինյանը նկարահանելու իրավունք ուներ, թե՝ ոչ:
Հայկ Վարդանյան
