14.03.2026 | 00:49
Սամվել Կարապետյանի տնային կալանքի ժամկետը երկարաձգվել է
Մխիթարյանն ու ընկերները կարող են խնդիրներ ստեղծել «Մանչեսթեր Յունայթեդի» համար. Ռեյ Պարլոր
05.12.2018 | 17:15
Լոնդոնի «Արսենալի» ու Անգլիայի հավաքականի նախկին կիսապաշտպան Ռեյ Պարլորն անդրադարձել է Պրեմյեր լիգայի 15-րդ տուրի կենտրոնական խաղին, որում նրա նախկին ակումբը կհյուրընկալվի «Մանչեսթեր Յունայթեդին». գրում է sport.news.am-ը:
«Այս պահին «Մանչեսթեր Յունայթեդը» ճնշման տակ է: «Արսենալի» հարձակողական ֆուտբոլիստներն ունեն բավականաչափ ներուժ, որպեսզի խնդիրներ ստեղծեն մրցակցի համար: Խոսքն Օբամեյանգի, Օզիլի, Մխիթարյանի, Լյակազեթի ու Ռեմզիի մասին է:
Հիմա «Օլդ Տրաֆորդը» այնքան վախենալու չէ, որքան նախկինում էր: Շատ թիմեր օգտվում են այդ գործոնից: Վստահ եմ, որ Ունաի Էմերին ու «Արսենալը» եւս այդպես են մտածում»,- անգլիացու խոսքը մեջբերում է sport.bt.com-ը:
Հիշեցնենք, որ դեկտեմբերի 5-ին Մանչեսթերում կայանալիք հանդիպումը կմեկնարկի Երեւանի ժամանակով կեսգիշերին: 15-րդ տուրից հետո «Արսենալը» 30 միավորով չորրորդ տեղում է, իսկ «Մանչեսթեր Յունայթեդը» 22 միավորով 7-րդն է:
