Վանիկ Ավետիսյանը նշանակվել է Անվտանգության խորհրդի գրասենյակի ղեկավար

ՀՀ վարչապետի աշխատակազմից հայտնում են, որ վարչապետ Նիկոլ Փաշինյանի որոշմամբ Վանիկ Ավետիսյանը նշանակվել է Անվտանգության խորհրդի գրասենյակի ղեկավար։

«Ղեկավարվելով «Հանրային ծառայության մասին» օրենքի 9-րդ հոդվածի 13-րդ մասով՝ Վանիկ Ավետիսյանին նշանակել Անվտանգության խորհրդի գրասենյակի ղեկավար»,- ասված է որոշման մեջ։

Նշենք, որ Անվտանգության խորհրդի գրասենյակի ղեկավարի պաշտոնը թափուր էր մնացել օգոստոսի 17-ից, երբ ժամանակավոր պաշտոնակատար Անահիտ Շիրինյանն ազատվել էր աշխատանքից։

Վանիկ Ավետիսյանի կենսագրությունը

Ծննդյան տարեթիվ, ամսաթիվ, ծննդավայր՝ 1993 թ. մայիսի 9, ք. Երևան

Կրթություն. ավարտել է Բրյուսելի Athénée royal d’Ixelles միջնակարգ դպրոցը:

2015-2018 թթ. ուսանել է Բրյուսելի ազատ համալսարանում (Université Libre de Bruxelles/Free University of Brussels), ստացել է քաղաքական գիտությունների բակալավրի աստիճան։

2018-2020 թթ. ուսանել է Բրյուսելի ազատ համալսարանում (Université Libre de Bruxelles/Free University of Brussels), ստացել է միջազգային հարաբերությունների մագիստրոսի աստիճան՝ մասնագիտացված նպատակների համար (անվտանգություն, խաղաղություն հակամարտություններ):

Աշխատանքային գործունեություն

2020-2022 թթ. աշխատել է Բրյուսելի տարածաշրջանային խորհրդարանում՝ որպես միջազգային հարցերով խորհրդական:

2022-2023 թթ. «Ի գործ» ծրագրով աշխատել է ՀՀ Արտաքին գործերի նախարարությունում՝ Եվրոպայի վարչությունում:

2023-2025 թթ. աշխատել է Երեք Սի Քընսալթինգ ՓԲԸ-ում որպես վերլուծաբան: Աշխատանքի ընթացքում իրականացրել է եվրոպական երկրների ներքին և արտաքին քաղաքականության, ինչպես նաև ռազմատնտեսական ոլորտի վերաբերյալ մշտադիտարկում:

2026 թ. աշխատել է ՀՀ նախագահի աշխատակազմի արտաքին կապերի և արարողակարգի վարչությունում որպես գլխավոր մասնագետ:

2026 թ. օգոստոսի 20-ից Անվտանգության խորհրդի գրասենյակի ղեկավարն է:

Այլ տվյալներ

Անկուսակցական է:

Տիրապետում է ֆրանսերենի, անգլերենի, ռուսերենի։

Ամուսնացած չէ: