23.04.2026 | 17:09
Գործադիրն առաջարկում է 16 տարին լրացած անձանց համար նույնականացման քարտ ունենալը դարձնել պարտադիր
Հայաստանը և ողջ աշխարհը դասեր է քաղել Սպիտակի երկրաշարժից, և դրա արդյունքում է ստեղծվել INSARAG-ը. Ա. Միրզոյան
05.12.2018 | 18:28
Այսօր առաջին փոխվարչապետի պաշտոնակատար Արարատ Միրզոյանը բացման խոսքով հանդես է եկել INSARAG-ի Աֆրիկա-Եվրոպա-Միջին Արևելք տարածաշրջանի երկրաշարժին արձագանքման վարժանքի մեկնարկի միջացառմանը: Միջոցառումն իրականացվել է ՄԱԿ-ի աջակցությամբ՝ Սպիտակի ավերիչ երկրաշարժի հիշատակի 30-րդ տարելիցին նվիրված միջոցառումների շրջանակներում:
Առաջին փոխվարչապետի պաշտոնակատարը նշել է, որ հայ ժողովուրդը երախտապարտ է Սպիտակի երկրաշարժի օրերին 113 երկրների կառավարությունների, կազմակերպությունների ու անհատների կողմից Հայաստանին ցուցաբերված եղբայրական օգնության համար։ Պարոն Միրզոյանը նշել է, որ Հայաստանը և ողջ աշխարհը լրջագույն դասեր է քաղել Սպիտակի աղետալի երկրաշարժից, և այդ դասերի արդյունքում էր, որ ստեղծվել է ՄԱԿ-ի միջազգային որոնողափրկարարական խորհրդատվական խումբը՝ INSARAG-ը: Հայաստանը Հարավային Կովկասում դարձել է առաջին երկիրը, որի թիմը 2015թ որակավորվել է որպես միջին Քաղաքային որոնողափրկարարական թիմ և դարձել ՄԱԿ-ի INSARAG-ի լիիրավ երկիր, ինչն էլ թույլ է տալիս ոչ միայն օպերատիվ աջակցություն ստանալ միջազգային փրկարարների կողմից, այլ նաև ուղարկել սեփական քաղաքային որոնողափրկարարական թիմն աշխարհի տարբեր երկրներ` խոշոր աղետներից տուժածներին օգնություն ցուցաբերելու համար:
Պարոն Միրզոյանը ընգծել է նաև, որ վերջապես ուրվագծվել է մեր երկրում դիմակայության մշակույթի ձևավորման ու ամրապնդման տեսլականը՝ որպես կայուն զարգացման օրակարգի արդյունավետ իրականացման գրավական և ազգային անվտանգության կարևոր քայլ: Առաջին փոխվարչապետի պաշտոնակատարը կարևորել է նաև ՀՀ աղետների ռիսկի կառավարման նոր ռազմավարությունը, որը աղետների ռիսկի կառավարման ոլորտը արձագանքող, ռեակտիվ մոտեցումից տեղափոխել է ավելի պրոակտիվ օրակարգի՝ հիմնական շեշտը դնելով առկա և հնարավոր ռիսկերի բացահայտման, կանխման, կանխարգելման ու խոցելիության նվազեցման մոտեցումներին, միաժամանակ ավելացնելով պատրաստվածությունը հնարավոր աղետներին:
