16.09.2026 | 10:00
Ազգային ժողովի նիստը՝ ՈՒՂԻՂ
«Ուժեղ Հայաստանն» առաջարկում է մինչև կեսգիշեր աշխատել․ ՏԵՍԱՆՅՈՒԹ
Քաղաքականություն
20.08.2026 | 17:27
Ազգային ժողովի նիստին «Ուժեղ Հայաստան» խմբակցության անդամ Հարություն Հարությունյանը հայտարարեց, թե խմբակցության ներքին քննարկումից հետո առաջարկում են երկարաձգել աշխատանքային ժամը՝ ստեղծված իրավիճակով պայմանավորված աշխատել մինչև 24։00-ն։
Հիշեցնենք, որ մինչ այդ ԱԺ փոխնախագահ Վահագն Ալեքսանյանն առաջարկեց այսօր ժամը 18։30-ից մինչև 20։00-ն նոր նիստ գումարել։ Ընդդիմադիրներն առարկեցին՝ նշելով, որ արդեն իսկ պայմանավորվածություններ ունեն այդ ժամերին՝ այդ թվում ընտրողների հետ։ Ալեքսանյանի առաջարկն ընդունվեց։
Հարությանյանին նիստը նախագահողը պարզաբանեց, որ ԱԺ կանոնակարգ օրենքը թույլ չի տալիս նման երկարաձգում. «Կանոնակարգ օրենքը սահմանում է որ միայն մեկ նիստ կարող ենք ավելացնել»։
Նշենք՝ «Ուժեղ Հայաստան»-ի հանձնաժողովների թեկնածուներին չընտրելուց հետո խմբակցության ղեկավարը հայտնել էր, որ այս անգամ օգտագործելու են իրենց բոլոր հնարավորությունները, հարցեր տալու և ելույթներ ունենալու առիթները։
Իսկ իշխանական պատգամավոր Բաբկեն Թունյանը հարց էր ուղղել «Ուժեղ Հայաստան» խմբակցության պատգամավոր Հայկ Ֆարմանյանին՝ կապված ընդդիմադիր խմբակցության թեկնածուների առաջադրման գործընթացի և ելույթների մարտավարության հետ․ «Սա վրեժխնդրությո՞ւն է ձեր թեկնածուներին չընտրելու համար»։
Մանրամասնեը՝ տեսանյութում։
Եվգենյա Համբարձումյան
