16.09.2026 | 10:00
Ազգային ժողովի նիստը՝ ՈՒՂԻՂ
Պրոբլեմ ա, որ Գագիկ Ծառուկյանն ազատության մեջ ա եղել էս 8 տարիների ընթացքում. Փաշինյան. ՏԵՍԱՆՅՈՒԹ
Քաղաքականություն
20.08.2026 | 14:08
Լրագրողների հետ ճեպազրույցի ընթացքում վարչապետ Նիկոլ Փաշինյանը անդրադարձավ 2018 թվականից ի վեր կառավարող թիմում ներգրավված նոր կադրերի պահպանմանը, դատաիրավական համակարգից դժգոհություններին և ընդդիմադիրների ձերբակալություններին, ինչպես նաև Վարդաշենի բնակիչների բնակարանային փոխհատուցումներին։
Լրագրողն անդրադարձել է միջազգային կրթություն ունեցող կադրերով կառավարության համալրմանը՝ որպես օրինակ բերելով Տաթևիկ Ռևազյանին։ Հարցին, թե 2018-ի նոր կադրերից ովքեր են շարունակում աշխատել թիմում, վարչապետը նշել է. «Այո՛, կա այդպիսի մարդ, օրինակ՝ Սուրեն Թովմասյանը, որը 2018, թե 2019 թվականից Կադաստրի կոմիտեի ղեկավարն է»։
Անդրադառնալով դատական համակարգից դժգոհություններին և դրան զուգահեռ ընդդիմադիր գործիչների (Սամվել Կարապետյան, Գագիկ Ծառուկյան, Անդրանիկ Թևանյան) ձերբակալություններին ու կալանավորումներին՝ Փաշինյանն ընդգծեց, որ դատաիրավական համակարգը հաճախ հանդես է գալիս որպես էլիտաների հետաքրքրությունների արտահայտիչ։
Գագիկ Ծառուկյանի՝ նախկինում ազատության մեջ գտնվելու վերաբերյալ վարչապետը հայտարարեց. «Իսկ ո՞վ է ասել ընդհանրապես, որ Գագիկ Ծառուկյանը այս ողջ ընթացքում պետք է լիներ ազատության մեջ։ Ես պրոբլեմ եմ տեսնում նրանում, որ այս ողջ ընթացքում եղել է ազատության մեջ»։
Փաշինյանը հավելեց, որ համակարգը սահմանադրական կարգավորումների պատճառով նախագծված է այնպես, որ «ծառայի վերնախավին, ոչ թե ժողովրդին»։ Ըստ նրա՝ այս ֆունդամենտալ խնդիրը հնարավոր չէ լուծել առանց սահմանադրական փոփոխությունների և նոր սահմանադրության ընդունման։
Մանրամասները՝ տեսանյութում։
Եվգենյա Համբարձումյան
