09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Ես ինչ ասում եմ, իրականում կատարել եմ իմ անձնական գումարների հաշվին. Գագիկ Ծառուկյան. ՏԵՍԱՆՅՈՒԹ
Քաղաքականություն
05.12.2018 | 17:26
«Բարգավաճ Հայաստան» կուսակցության նախագահ Գագիկ Ծառուկյանն այսօր Մարզահամերգային համալիրում անցկացվող քարոզարշավի ժամանակ, խոսելով կուսակցության տնտեսական քաղաքականության մասին՝ շեշտեց Հարկային օրենսգրքի փոփոխության անհրաժեշտությունը, ինչն, ըստ ԲՀԿ առաջնորդի, կարևոր է տնտեսության զարգացման համար։
«Կա օրենքների փոփոխության անհրաժեշտության և բարելավման խնդիր»,- ասաց Գագիկ Ծառուկյանը։
ԲՀԿ առաջնորդը խոսեց իրենց կուսակցության ծրագրի հաջորդ կարևոր առանցքային կետի՝ բանկային համակարգի վերափոխման մասին և ընդգծեց․ «Մեր երկրում բանկային համակարգ չկա, կա լոմբարտային համակարգ։ Պետք է կարողանանք կազմակերպել էժան վարկերի տրամադրումը քաղաքացիներին՝ հրաժարվելով բարձր տոկոսներով վարկեր տրամադրելու տնտեսական քաղաքականությունից»,- ասաց նա և հավելեց. «Ես ինչ ասում եմ, իրականում կատարել եմ իմ անձնական գումարների հաշվին, այնպես չէ, որ ուղղակի ելույթ եմ ունենում, այնպես որ հնարավոր է էժան տոկոսներով վարկեր տրամադրել գյուղացիական տնտեսություններին»։
Գագիկ Ծառուկյանն անդրադարձավ նաև մատչելի պայմաններով բնակարանաշինական ծրագրեր իրականացնելու հարցին՝ ընդգծելով, որ նման պարտավորություն պետք է ունենա յուրաքանչյուր ղեկավար։
Մանրամասները՝ տեսանյութում։
