Քաղաքականություն
20.08.2026 | 13:19ԱԺ փոխնախագահ Վահագն Ալեքսանյանը լրագրողների հետ զրույցում անդրադարձավ կառավարության հնգամյա ծրագրում տեղ գտած՝ եկեղեցուն և Ամենայն Հայոց Կաթողիկոսին վերաբերող ձևակերպումներին:
Պատասխանելով կառավարության ծրագրում կաթողիկոսին փոխելու հարցի կարևորության մասին հարցին՝ Ալեքսանյանը նշեց, որ այդ դրույթը եղել է դեռևս իրենց նախընտրական ծրագրում: Ըստ պատգամավորի՝ «քաղաքացիները «Քաղաքացիական պայմանագիր» կուսակցությանը տվել են մեծամասնություն խորհրդարանում՝ նաև դա իրագործելու համար»՝ չնայած ընդդիմության կողմից դրա շուրջ ձևավորված քննադատական խոսույթին:
Լրագրողը մեջբերեց կառավարության ծրագրի այն դրույթը, որով եկեղեցու բարենորոգման անհրաժեշտությունը ներկայացվում է որպես հոգևոր անվտանգության ապահովման և «արտաքին ուժերի կողմից հայաստանյան առաքելական սուրբ եկեղեցին հիբրիդային պայքարի հենակետ դարձնելու փորձերը բացառելու» միջոց, և խնդրեց նշել կոնկրետ անուններ:
Ալեքսանյանը հրաժարվեց կոնկրետ պետություններ կամ հատուկ ծառայությունների սպաների անուններ հնչեցնել՝ նշելով. «Չեմ կարող ասել կոնկրետ անուններ, որովհետև վստահ չեմ, որ հատուկ ծառայությունների՝ կոնկրետ այդ գործողությունները կատարող սպաների անունները ես գիտեմ կամ կարող եմ իմանալ»:
Նա հավելել է, որ, իր համոզմամբ, քաղաքացիները շատ լավ գիտեն, թե որ երկրների մասին է խոսքը:
Մանրամասները՝ տեսանյութում։
Եվգենյա Համբարձումյան
