Զեկույց կհրապարակվի, որտեղ եկեղեցու հետ կապված բոլոր հարցերին պատասխան կտրվի. Փաշինյան․ ՏԵՍԱՆՅՈՒԹ

Վարչապետ Նիկոլ Փաշինյանը լրագրողների հետ հարցուպատասխանի ընթացքում անդրադարձավ սննդամթերքի անվտանգությանը, հայ-իրանական հարաբերությունների վրա ԱՄՆ պատժամիջոցների հնարավոր ազդեցությանը, էներգետիկ ռազմավարության վերանայմանը և Հայ Առաքելական եկեղեցու շուրջ ստեղծված իրավիճակին:

Պատասխանելով ձկնաբուծարանների ստանդարտների և սննդի վաճառքի վերաբերյալ հարցադրումներին՝ վարչապետը կարևորեց սննդի անվտանգության տարանջատումը որակական և համային հատկանիշներից։ 

«Դա չի նշանակում, թե այն ինչ որ վաճառվում է, մարդու համար վտանգավոր է… խոսքը համային որակական հատկանիշների մասին է»,-ասաց նա։ 

Միևնույն ժամանակ, վարչապետն ընդգծել է, որ այնտեղ, որտեղ անվտանգության հետ կապված խնդիրներ են արձանագրվում, վաճառքի կասեցումը պարտադիր է և իրականացվում է տեսչական մարմինների կողմից։

Անդրադառնալով Իրանի նկատմամբ ԱՄՆ-ի կողմից հայտարարված տնտեսական պատերազմին և դրա ազդեցությանը հայ-իրանական հարաբերությունների վրա՝ Փաշինյանը հայտնեց, որ Հայաստանը մտահոգված է ստեղծված իրավիճակով․ «Մենք նաև այդ թեմայի վերաբերյալ շատ սերտ աշխատում ենք և՛ Միացյալ Նահանգների և՛ Իրանի իսլամական հանրապետության հետ և մեր ցանկությունն այն է, որ այս իրադրությունը հնարավոր շուտ լուծվի»։

Նոր ատոմակայանի կառուցման որոշման վերաբերյալ Փաշինյանը հայտնեց, որ այն դեռ ընդունված չէ, սակայն որոշումներ կկայացվեն առաջիկայում։ Նա հավելեց, որ Հայաստանի էներգետիկ ռազմավարությունը վերանայման կարիք ունի, քանի որ հանրապետությունում արդեն գործում է արհեստական բանականության երկու գործարան, որոնք մեծ ծավալի էլեկտրաէներգիա են սպառում, ինչը կարող է էլեկտրաէներգիայի դեֆիցիտ առաջացնել։

Մանրամասները՝ տեսանյութում։

Եվգենյա Համբարձումյան