20.08.2026 | 14:18
Զինվորները երթևեկել են մեքենայով, որը շահագործման չպետք է լիներ. Փաշինյանը` Ճամբարակի մասին․ ՏԵՍԱՆՅՈՒԹ
Ռուսաստանը հարվածել է Ուկրաինայի և Մոլդովայի միջև սահմանային անցակետին
Քաղաքականություն
20.08.2026 | 13:08
Ուկրաինայի տարբեր շրջանների վրա գիշերային զանգվածային հարձակման ժամանակ ռուսական ուժերն անօդաչու թռչող սարքով հարվածել են նաև Օդեսայի մարզում գտնվող Ուկրաինայի և Մոլդովայի միջև սահմանային անցակետին։ Այս մասին հայտնել է Ուկրաինայի նախագահ Վլադիմիր Զելենսկին, փոխանցում է DW-ի ռուսական ծառայությունը։
Բացի այդ, գիշերն անօդաչու թռչող սարքերը ներխուժել են Ռումինիայի և Մոլդովայի օդային տարածք։ Ռումինիայի ՊՆ-ն հայտարարել է, որ Ուկրաինայի հետ սահմանի մոտ օդային խմբի գտնվելու պատճառով օդ են բարձրացվել երկու իսպանական F-18 կործանիչ և ռումինական ուղղաթիռ։ Անօդաչուներից մեկը հատել է սահմանը Գալաց քաղաքից շուրջ 13 կմ հեռավորության վրա, ապա ընկել Տուլչայի շրջանի անմարդաբնակ տարածքում։
Նույն գիշերը մեկ այլ անօդաչու թռչող սարք խախտել է Մոլդովայի օդային տարածքը։ Ենթադրաբար Shahed 136 (Geran-2) տիպի անօդաչուն օդային տարածք է մտել Ուկրաինայից, ուղղվել դեպի Գագաուզիայի մոլդովական Էտուլիա գյուղ և շուրջ վեց րոպե անց լքել Մոլդովայի տարածքը։ Երկրի Պաշտպանության նախարարությունը նաև հայտնել է, որ այս թռիչքը տեղի է ունեցել Ռուսաստանի կողմից Ուկրաինայի տարածքին գիշերային օդային հարվածների ժամանակ։
Ուկրաինայի վրա ռուսական հարձակման ժամանակ Լեհաստանը ռազմական ինքնաթիռներ է օդ բարձրացրել։ Բացի այդ, ցամաքային ՀՕՊ և ռադարային հսկողության համակարգերը բերվել են մարտական պատրաստության։
