02.11.2026 | 10:00
Նիկոլ Փաշինյանն ԱԺ-ում մասնակցում է 2027 թվականի բյուջեի նախնական քննարկումներին. ՈՒՂԻՂ
Եթե չընտրեն մեր թեկնածուներին, ունենք մեր մարտավարությունը. Վարդևանյան․ ՏԵՍԱՆՅՈՒԹ
Քաղաքականություն
20.08.2026 | 12:06
Ազգային ժողովի փոխնախագահ Արամ Վարդևանյանը լրագրողների հետ զրույցում անդրադարձավ մշտական հանձնաժողովի նախագահների պաշտոններում ընդդիմադիր թեկնածուների չընտրվելու հավանական սցենարներին և պատգամավոր Դավիթ Ղազինյանին նիստերի դահլիճից հեռացնելու միջադեպին։
Վարդևանյանն ընդգծեց, որ ընդդիմադիր թեկնածուների առաջադրման հարցում պետք է առաջնորդվել իրավական, այլ ոչ թե քաղաքական սկզբունքներով. «Սահմանադրական դատարանի որոշման տրամաբանությունը նրանում է, որ այստեղ քաղաքական որոշումների տիրույթում չպետք է հարցը դիտարկվի։ Ընդդիմադիր խմբակցության կողմից կատարվել է առաջադրում, այն պետք է հարգվի»։
Լրագրողի հարցին, թե ինչպես կվարվի խմբակցությունը թեկնածուների չընտրվելու դեպքում (արդյոք կփոխի թեկնածուներին, թե թափուր կթողնի տեղերը), պատգամավորը պատասխանեց, որ ունեն հստակ գործողությունների ծրագիր. «Մենք ցանկացած իրավիճակի վերաբերյալ ունենք կոնկրետ մարտավարություն։ Պարզապես եկեք չշտապենք, տեսնենք արդյունքները, տեսնենք իրավիճակը»։
Մեկնաբանելով ընդդիմադիր պատգամավոր Դավիթ Ղազինյանին նախորդ օրը նիստերի դահլիճից հեռացնելու որոշումը՝ Վարդևանյանն այն որակեց ապօրինի. «Մեր գործընկերոջը՝ Դավիթ Ղազինյանին, հեռացրեցին Ազգային ժողովի նիստերի դահլիճից ակնհայտ ապօրինի կերպով՝ առանց դրա որևէ մի իրավական հիմքի՝ Ազգային ժողովի կանոնակարգ սահմանադրական օրենքը խախտելով»։
Նա նշեց, որ ընդդիմության հետագա արձագանքը «առավել քան ողջամիտ էր, տրամաբանական էր, ընդունելի էր»։
Իշխող ուժի կողմից անհրաժեշտ 13 քվեներն ապահովելու հավանականության վերաբերյալ պատգամավորը նշեց, որ որևէ տեղեկություն չունի, և իրենք այդ հարցը չեն քննարկել։
Մանրամասները՝ տեսանյութում։
Եվգենյա Համբարձումյան
