16.09.2026 | 10:32
Սան Պաուլո. Էլինա Ավանեսյանը հաղթել է և կարող է մրցել Ալինա Չարաևայի հետ
Մենք նիստերի դահլիճում չենք լինի, բայց կմնանք ԱԺ-ում` քվեարկություն գուցե լինի. Աննա Գրիգորյան․ ՏԵՍԱՆՅՈՒԹ
Քաղաքականություն
19.08.2026 | 16:40
«Ուժեղ Հայաստան» դաշինքի՝ Ազգային ժողովի նիստը լքելու որոշումից հետո «Հայաստան» խմբակցության ղեկավար Աննա Գրիգորյանը լրագրողների հետ զրույցում ասաց, որ իրենց խմբակցությունն այսօր չի մասնակցելու նիստին, սակայն պատգամավորները դեռ կմնան ԱԺ շենքում՝ հնարավոր քվեարկությանը մասնակցելու համար։
«Մենք էլ, ինչպես տեսնում եք, նիստերի դահլիճում չենք, ներգրավված չենք լինելու այս քննարկումներին, բայց դեռ շենքում ենք, որովհետև կարող են շատ արագ քննարկումներն ավարտել և քվեարկություն նշանակել։ Ամեն դեպքում շենքում կմնանք, բայց նիստերի դահլիճ չենք մտնի»,- ասաց Գրիգորյանը։
Նրա խոսքով՝ ԱԺ փոխխոսնակ Վահագն Ալեքսանյանը չի կարող յուրաքանչյուր պատգամավորի ելույթից հետո մեկնաբանություններ անել։
«Իսկապես աննախադեպ է, խոսքը փոխխոսնակի մասին է, երբ դու չունես իրավունք անընդհատ մեկնաբանելու։ Հո քաղաքական մեկնաբան չե՞ս»,- նշեց նա։
Մանրամասները` տեսանյութում։
Նարեկ Կիրակոսյան
