05.11.2026 | 12:50
Շատ «աբիդնի» ա, որ ավանդական ճանապարհով չի եկել Լարսում լռվի. Միրզոյանը հեգնեց Խաչատրյանին․ ՏԵՍԱՆՅՈՒԹ
Սամվել Կարապետյանը հայ ժողովրդի պատմության մեջ առաջին «նախկին հաջորդ» վարչապետն է․ Հայկ Կոնջորյան. ՏԵՍԱՆՅՈՒԹ
Քաղաքականություն
19.08.2026 | 13:18
Ազգային ժողովում տեղի ունեցած քննարկումների ժամանակ «Ուժեղ Հայաստան» խմբակցության ներկայացուցիչ Էդգար Ղազարյանն ընդգծեց, որ եվրոպական ուղղության հետ հարաբերություններում առկա է «գովազդային» և «ֆունկցիոնալ» բաղադրիչ: Նրա պնդմամբ՝ ներկայիս իշխանության օրոք գործընթացը կրում է սոսկ արտաքին բնույթ. «Եթե նայենք լուսանկարներին… իրար ցուցադրվող սրտիկներին… ապա կարծես թե ամեն ինչ նորմալ է: Իսկ երբ որ գալիս ենք այն հարթություն, որտեղ կայացվում են լուրջ որոշումներ, ոնց որ թե ամեն ինչ անլուրջ է»:
Ղազարյանը հիշեցրեց, որ Հայաստանի եվրոպական համագործակցությունը սկսվել է տասնամյակներ առաջ՝ ԵԱՀԿ-ին անդամակցությունից (1992թ.) մինչև ՍԵՊԱ-ի (CEPA) համաձայնագրի կնքումը (2017թ.): Նա մեղադրեց գործող իշխանությանը ՍԵՊԱ-ի դրույթները կյանքի չկոչելու և վիզաների ազատականացման հարցում ձախողելու մեջ. «Վիզաների մերժումները շատացել են, հերթերը մեծացել… իսկ Հայաստանի քաղաքացիները համատարած արտաքսվում են եվրոպական երկրներից»:
Ղազարյանը նաև հույս հայտնեց, որ Հայաստանի հաջորդ վարչապետը կլինի Սամվել Կարապետյանը, ինչը, ըստ նրա, թույլ կտա երկրում հաստատել «իրական ժողովրդավարություն»:
Ի պատասխան այս հայտարարության՝ Հայկ Կոնջորյանը Սամվել Կարապետյանին անվանեց «հայ ժողովրդի պատմության մեջ առաջին «նախկին հաջորդ» վարչապետը»։
Մանրամասները՝ տեսանյութում։
Եվգենյա Համբարձումյան
