Քաղաքականություն
19.08.2026 | 13:26
Միացյալ Նահանգները դադարեցնում է Կանադայից ներմուծվող ապրանքների համար սահմանված նոր՝ 50 տոկոս մաքսատուրքերը, այն բանից հետո, երբ երկու երկրները համաձայնության են եկել առևտրային համաձայնագրի շուրջ, գրում է DW-ի ռուսական ծառայությունը։
«Ես երեք օրով կասեցրել եմ Կանադայի դեմ սահմանված 50 տոկոս մաքսատուրքերը, որոնք պետք է ուժի մեջ մտնեին վաղը առավոտյան»,- գրել է ԱՄՆ նախագահ Դոնալդ Թրամփն իր Truth Social հարթակում:
Նա հայտարարել է, որ ԱՄՆ-ն և Կանադան համաձայնել են վերսկսել Keystone XL նավթատարի նախագիծը, որը նախատեսված էր նավթը Կանադայից ԱՄՆ տեղափոխելու համար: Նախագիծը չեղարկվել էր Թրամփի՝ դեմոկրատ նախագահ Ջո Բայդենի օրոք: Սպիտակ տան ղեկավարը հավելել է, որ մաքսատուրքերի դադարեցման որոշումը կգործի անհրաժեշտ փաստաթղթերի ձևակերպման պայմաններում։
Իր հերթին, Կանադայի վարչապետ Մարկ Քարնին հայտնել է, որ վերջին մի քանի շաբաթների ընթացքում ինտենսիվ քննարկումներ է ունեցել Թրամփի հետ՝ փորձելով կանխել մաքսատուրքերի սահմանումը և ապահովել «ավելի մեծ հստակություն և իրական օգուտներ կանադական բիզնեսների, աշխատողների, ֆերմերների և ընտանիքների համար»:
«Նշանակալի առաջընթաց է գրանցվել, չնայած դեռևս շատ կարևոր աշխատանք կա անելու»,- ընդգծել է նա։
Դոնալդ Թրամփը հուլիսի 20-ին գործադիր հրամանագրեր էր ստորագրել, որոնք լրացուցիչ մաքսատուրքեր էին նախատեսում կանադական ապրանքների լայն տեսականու համար։
Նախատեսվում է, որ ԱՄՆ նոր մաքսատուրքերն ուժի մեջ պետք է մտնեն այսօր՝ օգոստոսի 19-ին։ Դրանք չէին տարածվում էներգակիրների, կալիումի արտադրանքին և այն ապրանքներին, որոնց համար ոլորտային մաքսատուրքեր են գործում։
Ի պատասխան՝ Մարկ Քարնին հայտարարել է, որ Օտտավան պատրաստ է «ինտենսիվացնել» բանակցությունները Վաշինգտոնի հետ և ներկայացրել է վեճերը լուծելու և USMCA-ն արդիականացնելու առաջարկներ:
