16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Գերմանիայում դատարանը Ուկրաինայի քաղաքացուն դատապարտել է ազատազրկման՝ ՌԴ-ի հատուկ ծառայությունների պատվերով դիվերսիա կազմակերպելու համար
Քաղաքականություն
18.08.2026 | 16:37
Շտուտգարտի Բարձրագույն շրջանային դատարանը Ուկրաինայի քաղաքացուն դատապարտել է մեկ տարի և երեք ամիս ժամկետով ազատազրկման լրտեսության գործով։ Նա մեղավոր է ճանաչվել Ռուսաստանի հատուկ ծառայությունների հանձնարարությամբ հրկիզում կազմակերպելու մեջ, հաղորդում է գերմանական dpa գործակալությունը, փոխանցում է BBC-ի ռուսական ծառայությունը։
Գործով անցնող Ուկրաինայի ևս երկու քաղաքացիներ արդարացվել են։
Երեք տղամարդիկ ձերբակալվել էին անցյալ տարի Գերմանիայում և Շվեյցարիայում։ Ըստ մեղադրողների՝ նրանք պատրաստվում էին դիվերսիա իրականացնել Ռուսաստանի հատուկ ծառայությունների հրամանով՝ Ուկրաինա ուղարկելով GPS հետևորդներով երկու ծանրոց՝ ուկրաինական սուրհանդակային ընկերության կողմից օգտագործվող առաքման ուղիների մասին տեղեկություններ հավաքելու համար։
Ավելին, հետաքննության վարկածով, նրանք ծրագրել էին պայթուցիկ սարքերով ծանրոցներ, որոնք պետք է պայթեին տեղափոխման ընթացքում «Գերմանիայում կամ Ուկրաինա տանող այլ վայրերում՝ հնարավորինս մեծ վնաս պատճառելով», սակայն ձերբակալվել են։
Dpa-ը նշում է, որ առաջին դեպքը չէ, երբ Գերմանիայի իրավապահ մարմինները տեղեկանում են նման դիվերսիաների ծրագրերի մասին։ 2024 թվականին Լայպցիգում DHL-ի լոգիստիկ կենտրոնում ծանրոց էր հրդեհվել։ Իրավապահ մարմինների աշխատակիցները կարծում են, որ դրա առաքման գործում ներգրավված են եղել Ռուսաստանի հատուկ ծառայությունները։
