11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Իրանի Մեջլիսի խոսնակը նշել է Հորմուզի նեղուցի վերաբացման պայմանները
Քաղաքականություն
18.08.2026 | 14:23
Իրանի խորհրդարանի խոսնակ, ԱՄՆ-ի հետ գլխավոր բանակցող Մոհամմադ Բաղեր Ղալիբաֆը հայտարարել է, որ Հորմուզի նեղուցը չի վերաբացվի՝ մինչև նավթային պատժամիջոցների վերացումը, սառեցված ակտիվների ազատումը և ԱՄՆ-ի շրջափակման վերացումը, գրում է Mehr-ը։
Երեքշաբթի Իրանի խորհրդարանի նիստում ունեցած ելույթում նա ընդգծել է, որ Հորմուզի նեղուցը չի վերաբացվի՝ մինչև Իսլամաբադի փոխըմբռնման հուշագրում նշված բոլոր պայմանների լիարժեք կատարումը։
Ղալիբաֆը զգուշացրել է, որ Իրանը պատրաստ է թշնամուն պարտադրել ավելի ծանր պարտություն՝ իր գործողություններին համապատասխան։
«Ինչպես մենք կանխատեսել էինք՝ թշնամին, որը հուսահատությունից ընդունել էր պատերազմը դադարեցնելու համաձայնագիրը, շուտով հրաժարվեց իր պարտավորություններից՝ իր ծանր քաղաքական պարտությունը փոխհատուցելու համար։ Իրանի Իսլամական Հանրապետությունը պատրաստ է թշնամուն ավելի ծանր պարտություն պատճառել, քան նախկինում՝ իր գործողություններին և առաջխաղացումներին համապատասխան»,- հայտարարել է Ղալիբաֆը։
