16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Յաբլոկո»-ն պարտվեց․ ՌԴ ԿԸՀ-ն կուսակցությանը հանել է Դումայի ընտրությունների քվեաթերթիկից
Քաղաքականություն
18.08.2026 | 12:57
Ռուսաստանի Կենտրոնական ընտրական հանձնաժողովը «Յաբլոկո» կուսակցությանը հանել է Պետդումայի իններորդ գումարման ընտրությունների քվեաթերթիկից: ԿԸՀ-ն ներկայացրել է փոփոխված քվեաթերթիկ՝ առանց «Յաբլոկո»-ի մասին տեղեկատվության, ինչը նշանակում է, որ դրանում կմնան 10 քաղաքական կուսակցություններ, հաղորդում է ՏԱՍՍ-ը։
ԿԸՀ նիստում այս փոփոխությունները հաստատվել են ՌԴ Գերագույն դատարանի կողմից «Յաբլոկո»-ի գրանցումը չեղարկելու մասին որոշումը ուժի մեջ թողնելուց հետո:
Օգոստոսի 10-ին առաջին ատյանի դատարանը բավարարել էր «Ռոդինա» կուսակցության վարչական հայցը, իսկ օգոստոսի 17-ին վերաքննիչ ատյանը մերժել էր «Յաբլոկո»-ի բողոքարկումը և ուժի մեջ թողել որոշումը։
Վիճակահանության արդյունքում «Յաբլոկո»-ի ստացած 2-րդ համարն այլ կուսակցության չի փոխանցվի. մյուս քաղաքական ուժերը կպահպանեն քվեաթերթիկում իրենց համարները։ Արդյունքում «Եդինայա Ռոսիա»-ից հետո, որը քվեաթերթիկում զբաղեցնում է 1-ին համարը, կլինի Լիբերալ-դեմոկրատական կուսակցությունը՝ 3-րդ համարը, որին կհաջորդեն «Ուղիղ ժողովրդավարություն» կուսակցությունը, «Կանաչները», «Արդար Ռուսաստանը», «Ռոդինան», Ռուսաստանի Դաշնության կոմունիստական կուսակցությունը, «Կենսաթոշակառուների կուսակցությունը», Ռուսաստանի կոմունիստները և «Նոր ժողովուրդը»՝ 4-ից 11 համարներով։
