11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Արաղչին և Ֆիդանը հեռախոսազրույցում տարածաշրջանային հարցեր են քննարկել
Քաղաքականություն
18.08.2026 | 12:48
Իրանի ԱԳ նախարար Աբբաս Արաղչին հեռախոսազրույց է ունեցել իր թուրք գործընկեր Հաքան Ֆիդանի հետ։ Քննարկվել են տարածաշրջանային զարգացումները և փոխադարձ հետաքրքրություն ներկայացնող հարցեր, հաղորդում է Mehr գործակալությունը։
Զրույցի ընթացքում Իրանի արտգործնախարարը ներկայացրել է Իրանի և Օմանի միջև Հորմուզի նեղուցով նավերի անվտանգ անցման համար հարմար երթուղի ստեղծելու վերաբերյալ երկկողմ բանակցություններում իրավիճակը։ Արաղչին վերահաստատել է Իրանի վճռականությունը՝ շարունակել այդ գործընթացը։
Բարձրաստիճան դիվանագետները նաև քննարկել են տարածաշրջանում իրականացվող դիվանագիտական ջանքերը՝ ընդգծելով իրավիճակը կառավարելու, լարվածության սրումը կանխելու և տարածաշրջանային ընդհանուր կայունությունն ու անվտանգությունը ամրապնդելու համար քաղաքական և դիվանագիտական նախաձեռնությունների շարունակական անհրաժեշտությունը։
