06.09.2026 | 17:20
Արարատ Միրզոյանը Ռիգայում կհանդիպի Լատվիայի ԱԳ նախարարին
Ինչի մասին չգիտեմ, աշխատում եմ դրա մասին խոսել, փորձում եմ սովորել․ Սիսակ Գաբրիելյան․ ՏԵՍԱՆՅՈՒԹ
Քաղաքականություն
17.08.2026 | 14:48
Ազգային ժողովում տեղի ունեցած հարցուպատասխանի ժամանակ «Հայաստան» խմբակցության պատգամավոր Մեսրոպ Մանուկյանը կասկածի տակ է դրել բենզինի պետական գնումների արդյունավետությունը՝ նշելով, որ մանրածախ շուկայում 510 դրամ արժեքի պայմաններում պետությունը գնում է կատարել 540 կամ 545 դրամով։
«Պարոն Գաբրիելյան ջան, խնդրում եմ՝ Դուք տնտեսագիտությունից ընդհանրապես մի՛ խոսեք… Ինչո՞ւ եք գնացել 540-ով առել»,- դիմելով Գաբրիելյանին՝ ասել է Մանուկյանը։
Ի պատասխան՝ Սիսակ Գաբրիելյանը նշել է, որ ինքն անձամբ գնումը չի իրականացրել, իսկ գինը պայմանավորված է բյուջեով նախատեսված տարեկան ծրագրով։ Ավելին, պատգամավորը կոչ է արել իրավապահներին ուսումնասիրել այս հայտարարությունը. «Խնդրում եմ այս հայտարարությունը հիմք ընդունել, հարուցել քրեական գործ»։
Արձագանքելով իր մասնագիտական գիտելիքների վերաբերյալ դիտարկմանը՝ Գաբրիելյանը հայտարարել է, որ չի վախենում քննարկել թեմաներ, որոնցում մասնագիտացված չէ․ «Ինչի մասին որ չգիտեմ, ընդհակառակը՝ աշխատում եմ դրա մասին խոսել, որովհետև սովորելը ամոթ չի»։
Մանրամասները՝ տեսանյութում։
Եվգենյա Համբարձումյան
