05.09.2026 | 10:29
ՀՀ նախագահի աշխատակազմն ուղղում է վրիպակը. 44-օրյա պատերազմի զոհերի թիվը 3755 է
ՌԴ քաղաքացին 23 տարվա ազատազրկման է դատապարտվել՝ Լեհաստանի օգտին պետական դավաճանության մեղադրանքով
Քաղաքականություն
14.08.2026 | 14:44
Մոսկվայի դատարանը ՌԴ քաղաքացի Գեորգի Պիրոգովին դատապարտել է 23 տարվա ազատազրկման՝ լեհական հետախուզական ծառայությունների համար տեղեկատվություն հավաքեգրելու մեղադրանքով պետական դավաճանության համար, հայտնել է ԱԴԾ հասարակայնության հետ կապերի կենտրոնը, փոխանցում է Meduza-ն։
Ըստ ԱԴԾ-ի՝ Պիրոգովը Լեհաստան է մեկնել 2022 թվականին պատերազմի սկսվելուց հետո և կապ է հաստատել լեհական հետախուզության ներկայացուցչի հետ։ Նրան հանձնարարվել է հավաքագրել և փոխանցել «գաղտնի տեղեկատվություն առաջադեմ զենքի համակարգերի մասին», որոնք Ռուսաստանն օգտագործել է պատերազմում։
ԱԴԾ-ն պնդում է, որ Պիրոգովը կապեր է ունեցել Ռուսաստանի պաշտպանական արդյունաբերության ոլորտի աշխատակիցների հետ, որոնցից էլ ստացել է հրթիռային համակարգերի արտադրության և օգտագործման, ինչպես նաև պետական գաղտնիքներին մուտք ունեցող անձանց անձնական տվյալների մասին գաղտնի տեղեկատվություն՝ նրանց «Ռուսաստանի Դաշնության անվտանգության դեմ ուղղված գործողություններում» ներգրավելու համար։
Ավելին, ըստ Ռուսաստանի հատուկ ծառայության՝ Պիրոգովը կրիպտոարժույթ է փոխանցել Ուկրաինայի զինված ուժերին, ինչպես նաև գնել է զինամթերք և կազմակերպել դրա մատակարարումը Լեհաստանից Ուկրաինա։
Հայտնի չէ, թե երբ և որտեղ է Պիրոգովը ձերբակալվել: Մոսկվայի քաղաքային դատարանի կայքում տեղադրված դատական արձանագրությունը վկայում է, որ նրա գործի վերաքննիչ բողոքը Մոսկվայի քաղաքային դատարանում լսվել է հուլիսի 9-ին, իսկ Մեշչանսկի շրջանային դատարանը եղել է դատական առաջին ատյանը: Գործը, հավանաբար, տևել է առնվազն երկու տարի. մեկ այլ արձանագրություն ցույց է տալիս, որ Պիրոգովի կալանքը երկարաձգվել է 2024 թվականի սեպտեմբերին:
2023 թվականին Ռուսաստանում պետական դավաճանության համար նախատեսված պատիժը (Քրեական օրենսգրքի 275-րդ հոդված) բարձրացվել է մինչև ցմահ ազատազրկման: Նախկինում առավելագույն պատիժը 20 տարի էր։
