27.09.2026 | 14:38
Համաշխարհային օլիմպիադա. Հայաստանի հավաքակաները հաղթեցին վերջին տուրում
Իսրայելը հայտարարել է Գազայում ՀԱՄԱՍ-ի ռազմական թևի վաշտի հրամանատարի ոչնչացման մասին
Քաղաքականություն
14.08.2026 | 13:31
Իսրայելի բանակը հայտարարել է, որ ոչնչացրել է պաղեստինյան ՀԱՄԱՍ-ի «Շաթի» գումարտակի վաշտի հրամանատարին, գրում է ՏԱՍՍ-ը։
«Իսրայելի բանակը Գազայի հատվածի հյուսիսային մասում ոչնչացրել է ՀԱՄԱՍ-ի «Շաթի» գումարտակի վաշտի հրամանատար Մոհամմեդ Մուշթահիին։ Հարվածից առաջ քայլեր են ձեռնարկվել քաղաքացիական անձանց համար վնասը նվազագույնի հասցնելու նպատակով, այդ թվում՝ ճշգրիտ կառավարվող զինամթերքի կիրառմամբ և օդային հսկողությամբ»,- ասվում է հայտարարության մեջ։
Բանակի տվյալներով՝ ոչնչացված զինյալը մասնակցել է Իսրայելի վրա հարձակմանը Գազայի հատվածից 2023 թվականի հոկտեմբերի 7-ին, «և պատերազմի ընթացքում մի քանի պատանդ է պահել»։
«Ահաբեկիչը վերջերս փորձել է հարձակումներ իրականացնել Իսրայելի բանակի անձնակազմի և իսրայելցի քաղաքացիական անձանց դեմ և ոչնչացվել է՝ սպառնալիքը վերացնելու համար»,- հայտարարել է իսրայելական բանակը։
