13.08.2026 | 17:40
Սուպերհամակարգիչը գնահատել է «Բարսելոնայի» ու «Ռեալի» չեմպիոնության շանսերը
Էդգար Ղազարյանի հարցով նիստ կունենանք. Նարեկ Կարապետյան. ՏԵՍԱՆՅՈՒԹ
Քաղաքականություն
13.08.2026 | 16:36
Ազգային ժողովում ստեղծված լարված իրավիճակի և բարեվարքության նորմերի հնարավոր խախտումների վերաբերյալ լրագրողների հետ զրույցում պարզաբանումներ է ներկայացրել «Ուժեղ Հայաստան» խմբակցության ղեկավար Նարեկ Կարապետյանը։
Նրա խոսքով՝ առաջացած խնդրահարույց իրավիճակն ու Էդգար Ղազարյանի հետ կապված միջադեպը քննարկման առարկա կդառնան, և այդ հարցով հանդիպում ու նիստ կունենան։
«Սուր ելույթներ եղան, այդ պատճառով անհրաժեշտություն առաջացավ, որ խմբակցությունները միմյանց հետ իրավիճակի պարզաբանում անեն։ Մենք ամեն ինչ անելու ենք, որպեսզի պահպանվեն բարեվարքության նորմերը»,- նշել է Կարապետյանը։
Անդրադառնալով իշխանական պատգամավորների կոչերին ու խորհուրդներին՝ Նարեկ Կարապետյանը ընդգծել է, որ ցանկալի կլիներ նման խորհուրդներ չտալ, քանի որ, ըստ պատգամավորի, իշխանական ճամբարում ևս կան խնդրահարույց պատգամավորներ, որոնց վերաբերյալ իրենք արդեն հայտնել են իրենց դիրքորոշումը։
Պատասխանելով հարցին, թե արդյոք Էդգար Ղազարյանը կվերադառնա նիստերի դահլիճ և արդյոք քննարկվում է նրան մանդատից զրկելու հարցը՝ Կարապետյանը նշել է․ «Էդգար Ղազարյանը պատգամավոր է և լինելու է դահլիճում։ Մենք գնում ենք հարցը լուծելու համար, այլ ոչ թե այն բարդացնելու։ Կաշխատենք առաջացած խնդիրը լուծել»։
Մանրամասները՝ տեսանյութում։
Նարեկ Կիրակոսյան
