13.08.2026 | 17:07
Նիստը կիսատ է մնացել. Նարեկ Կարապետյանը` Էդգար Ղազարյանի մասին. ՏԵՍԱՆՅՈՒԹ
Բարեկրթության պայմանը խախտվո՞ւմ է. հարց Նարեկ Կարապետյանին. ՏԵՍԱՆՅՈՒԹ
Քաղաքականություն
13.08.2026 | 16:17
Ազգային ժողովի նիստերի դահլիճում փոխադարձ վիրավորանքներ են հնչել, որից հետո պատգամավորները միջանցք են դուրս եկել և վիճաբանություն է սկսվել։ ԱԺ-ում իր ելույթի ժամանակ «Ուժեղ Հայաստան» խմբակցության պատգամավոր Էդգար Ղազարյանը սրիկայություն է անվանել իշխանությունների կողմից զոհերի անունները շահարկելը, որից հետո ԱԺ փոխնախագահ Հայկ Կոնջորյանը նախազգուշացրել է, որ նմանատիպ ելույթներ այլևս չունենա, այլապես նրան «կէվակուացնեն» ԱԺ դահլիճից։
Միջանցքում լրագրողների հետ զրույցում խմբակցության ղեկավար Նարեկ Կարապետյանը հայտնել է, որ իրենց թիմակցի կողմից այնպիսի որակում է եղել, որը չպետք է լիներ:
«Պարոն Ղազարյանի ելույթում որակում եղավ, որի արդյունքում երկու կողմից որակումներ եղան»,- ասել է Կարապետյանը։
Լրագրողների դիտարկմանը, թե Էդգար Ղազարյանն իր ելույթում վիրավորական արտահայտություններ է հնչեցրել, և հարցին՝ արդյոք դրանով խախտվում է «բարեկրթության զինադադարը», Կարապետյանը հրաժարվել է մեկնաբանություններից՝ աշխատասենյակ մտնելով։
Մանրամասները՝ տեսանյութում։
Անի Թամրազյան
