13.08.2026 | 14:17
ԱԳՆ-ն կապվել է Ռուբեն Վարդանյանի ընտանիքի հետ, հանդիպում է նախատեսվում․ Սարգիս Խանդանյան. ՏԵՍԱՆՅՈՒԹ
«Սուս նստե՛ք տեղներդ»․ Էդգար Ղազարյանը՝ ՔՊ-ականներին. ՏԵՍԱՆՅՈՒԹ
Քաղաքականություն
13.08.2026 | 13:15
Ազգային ժողովում ֆինանսավարկային հանձնաժողովի նախագահի ընտրության քննարկման ժամանակ «Ուժեղ Հայաստան» դաշինքի ներկայացուցիչ Էդգար Ղազարյանը, անդրադառնալով Վահագն Ալեքսանյանի ցուցադրած տեսանյութին, որտեղ մարդու նկատմամբ անմարդկային վերաբերմունք էր պատկերված, նշեց, որ նման երևույթները զայրույթ են առաջացնում ցանկացած բանական մարդու մոտ։
«Մանվելը, ում վանկարկում էին 2008 թվականին, այդ թվում՝ այդ հանրահավաքների հիմնական մոդերատոր Նիկոլ Փաշինյանը, նույն այդ Մանվել Գրիգորյանն էր, ում վերաբերում է 2000 թվականի այս տեսանյութը»,-ընդգծեց նա։
Ղազարյանը հիշեց մի առակ, որը, ըստ նրա, Վազգեն Սարգսյանը ժամանակին արտագրել էր իր նոթատետրում։ Պատմելով կեղտի մեջ տաքացած և ծլվլալու պատճառով կատվին կեր դարձած ճնճղուկի պատմությունը՝ Ղազարյանը մեջբերեց Սպարապետի հետևությունը. «Եթե կեղտի մեջ ես՝ ձենդ գլուխդ մի՛ գցի»։
Այս համատեքստում նա դիմեց իշխանող խմբակցությանը՝ հորդորելով. «Սո՛ւս նստեք տեղներդ։ Դուք այն քաղաքական ուժը չեք, որ կարողանաք որևէ մեկի անունը տալ»։
Մանրամասները՝ տեսանյութում։
Եվգենյա Համբարձումյան
