27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
Քաղաքականություն
13.08.2026 | 13:07
Կառավարության նիստից հետո լրագրողների հետ ճեպազրույցում ՀՀ վարչապետ Նիկոլ Փաշինյանն անդրադարձել է ադրբեջանցի մասնագետների՝ Հայաստան կատարած այցերին՝ նշելով, որ դրանց վերաբերյալ պաշտոնական հաղորդագրություններ վաղուց եղել են, և որևէ «սենսացիա» չկա։
Վարչապետի խոսքով՝ դեռևս 2025 թվականի սեպտեմբերի 5-ին տարածվել էր մամուլի հաղորդագրություն, որ տեղի է ունեցել Հայաստանի և Ադրբեջանի պատվիրակությունների հանդիպումը, և աշխատանքային փոխադարձ այցեր ու պրոցեսներ են իրականացվել երկու երկրների տարածքներում։
Երկրորդ նմանատիպ այցելությունը տեղի է ունեցել 2026 թվականի հունվարի 15-ին՝ երկաթուղային ենթակառուցվածքների հարցով։
Փաշինյանն ընդգծել է, որ բոլոր քննարկումները ծավալվել են հենց այդ հանդիպումների շրջանակում, և երկկողմ աշխատանքներ են ընթանում էլեկտրահաղորդման գծերի, խողովակաշարերի, մալուխների ու երկաթգծի ուղղությամբ։
Մանրամասները՝ տեսանյութում։
Անի Թամրազյան
