Ռուսական «ստվերային նավատորմի» նավից արտահոսած նավթը հասել է Օմանի ափ

Ռուսական «ստվերային նավատորմի» Caroline Bezengi լվանավից արտահոսած նավթը հասել է Օմանի ափ, հայտնել է ՄԱԿ-ի Միջազգային ծովային կազմակերպությունը (IMO), գրում է DW-ն։

IMO-ի ներկայացուցիչների խոսքով՝ նավթային հետքը ներկայում լողում է Օմանի Ջազիրաթ ալ-Քիբլիա կղզուց հյուսիս-արևելք: Աղտոտումն արդեն հասել է մայրցամաքային հատվածին: Օմանի կառավարությունը նավթային հետքի մակերեսը գնահատում է 400 քառակուսի կիլոմետր:

Greenpeace կազմակերպությունը պնդում է, որ հետքը շատ ավելի մեծ է, և որ արդեն օգոստոսի 6-ին այն հասել է 600 քառակուսի կիլոմետրի: Սեզոնային մուսսոնները սահմանափակում են արտահոսող նավին հասանելիությունը և հետաձգում փրկարարական աշխատանքները:

Ըստ Reuters-ի՝ տվյալներով՝ Քամերունի դրոշի ներքո նավարկող Caroline Bezengi լցանավի վրա առաջացած խնդիրների մասին առաջին ազդանշանները ստացվել են հուլիսի սկզբին: Լցանավը Նովոռոսիյսկ նավահանգստից, որտեղ այն բեռնվել է նավթով, ուղևորվում էր դեպի Ասիա: Օմանի ծոցում նավը հայտնել է վնասվածքի մասին։ Հետագայում այն ​​շարժվել է դեպի Օման և մխրճվել ծանծաղուտը։

Միջադեպի մանրամասները պաշտոնապես չեն հրապարակվել, սակայն գործակալության տարածաշրջանի նավագնացության ոլորտի աղբյուրները պնդում են, որ նավի վրա պայթյուն է տեղի ունեցել։ Լցանավի վրա հարձակման մասին չի հաղորդվել։

Բնապահպանները զգուշացնում են, որ նավթի արտահոսքը կործանարար ազդեցություն կունենա Օմանի ծոցի էկոհամակարգի վրա։

Օմանի իշխանություններն ավելի վաղ նավի սեփականատիրոջից պահանջել էին հեռացնել շուրջ 110 տոննա հում նավթ տեղափոխող լցանավը։