21.10.2026 | 18:38
«Իմ կադրն է եղել, դժգոհություն չեմ ունեցել»․ Շենգավիթի թաղապետը՝ օգնականի աշխատանքի ու կալանավորման մասին
Արամ Վարդևանյանը չկարողացավ զսպել ծիծաղը․ Ռուբինյանը դիտողություն արեց. ՏԵՍԱՆՅՈՒԹ
Քաղաքականություն
12.08.2026 | 18:27
Ազգային ժողովում տեղի ունեցած քննարկման ժամանակ «Ուժեղ Հայաստան» խմբակցության պատգամավոր, ԱԺ փոխնախագահ Արամ Վարդևանյանը և Հայկ Ֆարմանյանն անդրադարձել են մաքսային ծառայության ոլորտում առկա խնդիրներին և «Քաղաքացիական պայմանագիր» խմբակցության կողմից կիրառվող հնարավոր երկակի ստանդարտներին։
Արամ Վարդևանյանը նշել է, որ իշխանական պատգամավորների հարցերը հիմնականում վերաբերում էին վերջին 10 տարիներին մաքսային ոլորտում առկա համակարգային խնդիրներին։ Նա ընդգծել է, որ անհրաժեշտ է պարզել՝ արդյո՞ք իշխող ուժը երկակի ստանդարտներով է մոտենում այս հարցին։
«Խնդրում եմ պարոն Ֆարմանյանին մի՛ վերագրեք այնպիսի լիազորություններ, որոնք վերագրելի են ձեր նախընտրական ցուցակին։ Ի դեպ, Գևորգ Սաղոյանի մասին է խոսքը ձեր նախընտրական ցուցակի»,- հայտարարել է Վարդևանյանը՝ մատնանշելով, որ ՔՊ ցուցակում ներառված են անձինք, ովքեր նախկինում բարձրաստիճան պաշտոններ են զբաղեցրել մաքսային վերահսկողության ոլորտում։
Սա հիշելիս Վարդևանյանը սկսել է ծիծաղել, ԱԺ նախագահ Ռուբեն Ռուբինյանը նկատողություն է արել․ «Զսպե՛ք Ձեզ»։
Մանրամասները՝ տեսանյութում։
Եվգենյա Համբարձումյան
