13.12.2024 | 20:29
Ադրբեջանի և ՆԱՏՕ-ի միջև ռազմական համագործակցության հարցեր են քննարկվել
Ստամբուլում կկայանա Իդլիբի հարցով ՌԴ-ի, Թուրքիայի, Ֆրանսիայի ու Գերմանիայի առաջնորդների 2-րդ գագաթնաժողովը
Քաղաքականություն
04.12.2018 | 22:08
Թուրքիայի նախագահ Ռեջեփ Թայիփ Էրդողանը, Ռուսաստանի նախագահ Վլաիդիմիր Պուտինը, Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը կրկին կհանդիպեն՝ քննարկելու Սիրիայի Իդլիբ նահանգում ստեղծված իրավիճակը և դրա հանգուցալուծման ճանապարհները. փոխանցում է ermenihaber-ը:
Ռուսաստանի նախագահի խոսնակ Դմիտրի Պեսկովը հայտնել է, որ Մոսկվան արդեն իր համաձայնությունը տվել է մասնակցել 4 երկրների ղեկավարների ձևաչափով տեղի ունենալիք 2-րդ գագաթնաժողովին:
Պեսկովն ասել է, որ ամենայն հավանականությամբ 2-րդ գագաթնաժողովը նույնպես կանցնի Ստամբուլում, քանի որ դրա մտահղացման հեղինակը հենց Էրդողանն է:
Նշվում է, որ հանդիպմանը մասնակցելու պատրաստակամությունը հաստատել է նաև գերմանական կողմը:
Հիշեցնենք, որ նախորդ գագաթնաժողովն անցկացվել էր հոկտեմբերի 27-ին Ստամբուլում:
Գագաթնաժողովին քննարկվել էր սիրիական հակամարտությանը վերաբերող բոլոր ոլորտները, ներառյալ` ներկա իրավիճակը, Իդլիբի շուրջ համաձայնությունն ու քաղաքական գործընթացները:
